MAREK 4:35-40

³⁵Oda džives, sar zaračiľa, o Ježiš lenge phenďa: “Aven džas pre dujto sera le moroskeri.”

³⁶Odgele pašal o nipi a le Ježiš ile peha pre loďka. Džanas leha the aver loďki.

³⁷Jekhvareste avľa bari burka la balvajaha. O vlni demkerenas andre loďka avke, hoj pes pherarelas le paňeha.

³⁸O Ježiš sovelas peske pre perňica (zahlavkos) palal andre loďka. Uštade les a phende leske: “Učiťeľina, tuke hin jekh, hoj kade meraha?”

³⁹Ov ušťiľa a rozkazinďa la balvajake the le moroske: “Preačh, čhit!” E balvaj preačhiľa a sas igen čhit.

⁴⁰Paľis lenge phenďa: “So tumen avke daran? Mek furt tumen nane pačaben?”