SAN MARCOS 4:35-40

³⁵Ro min cuahn che chi man ne, ra̱hn Dihvo vo ri ye ihyan apóstol yahn ye: ―Cuhn vo nduco nchuhn viche la̱do ca̱h.

³⁶Tuhme chihcoma̱n ihyan chahn nducoya̱ca ihyan che chenun ye min, ne chahtenun ye chete ba̱rco na̱n che quenun Dihvo vo, cuahn ye nduco vih. Namin cuahn ta̱ma te o ba̱rco nduco ye.

³⁷Ura min cana̱n a̱ma rano yuhne, ne ndedecuan nune vine me. Chenda̱ nune chete ba̱rco me, nde a rito.

³⁸Dihvo vo ne, quenun ye cua̱hn ca̱h ba̱rco me, quiya̱do ye, queta ye a̱ma alma̱da. Ndedetuhche ihyan chahn ihyan, ne ra̱hn ye ri ye ihyan: ―Ihyan Ricuahn, ¿a hua cuande yahn ne che ndere coh vo muhn?

³⁹Tuhme necuan Dihvo vo, chihco dihn ye yuhne me, ne ra̱hn ye ri ye vine me: ―Cuihnde dihn. Ngüen. Ndeta̱hno chehuan yuhne me, ne a̱ma quendite dihn vine me.

⁴⁰Ra̱hn Dihvo vo ri ye ihyan chahn: ―¿Dehco che redihya nchuhn ri? ¿A hua ritahno ne?