Mak 4:35-40

³⁵Na len mirihik ta kon akoroh, Jises tiye i toro lau tan i buku doh, “To ka-au kala kapa gwa bilisiu.”

³⁶Eme iri lau marakon an gwek, oro suni Jises i hawe oro, ya ndron ra-on ja a hawe oro ale.

³⁷Eme laba siyer atohou ya bayau i tinan, eme ndron bokobwak, bayau eme ndron, ndrai idih, ya mirihik ndron anya katuh.

³⁸Arile, Jises amadin in bada sau hamon ta ndron, eme oro ala mete-ei iy, ma oro tiye i tan, “Ndramak ta leheya, ou batikisi to bwe nadeh? I buku to kamak?”

³⁹Eme iy amak eme loke, ma iy asehek sahou i ta siyer ma bayau anya, “Ou amondrei! Bahun ka-iy ai!” Eme siyer ma bayau amondrei ma gwa ndras ameres udu le udu.

⁴⁰Eme Jises tiye i toro, “Ado anoh tasah? Buku sah ado batehei budon tado ba-en tek bwe?”