35Kiikiiɗe oon ɲalooma, Iisaa wii taalibaaɓe mum ɓee: —Lummben, keedoyen ootoo bannge.
36Ɓe njoppi jamaa oo, ɓe tawti mo e laana ka o wonnoo e mum kaa, ɓe ndeerti. Laanaaji goɗɗi duu ana njokki e makko.
37Henndu sattundu immii, bempeeje immii ana piya laana kaa, faa ka hosi heewde ndiyam.
38Kanko, omo ɗaanii to laaci laana too, omo wawlii mbawlu. Ɓe pinndini mo, ɓe mbii mo: —Moobbo, tama ko min kalkotoo koo wemmbaali ma?
39O immii, o jahii e henndu nduu, o wii weendu nduu: —Deƴƴina! Wii teen! Henndu nduu deƴƴinii, fuu wii teen.
40Caggal ɗum, o wii ɓe: —Ko saabii so kul-ɗon? Faa hannde on ngalaa hoolaare naa?
Marka 4
Marka 4:35-40