Mark 4:35-40

³⁵Kona rabisinai, Iesu ana nonorayauna i wonisi, “Tani garubona ku sepina.”

³⁶Damanina ba koroto si sumarisi ba Iesu waka kamonai i mamana wai yabata si nae. Ba waka mutusi yebo namai si mamana wai yabata.

³⁷Ba sibe kaikapona i dagui, ba yoyo si rakata saki wai waka yogina ikei ba ita rukwauruba.

³⁸Saba Iesu waka murinai iru kunuwana ba i dudauwa. Ba ana nonorayauna si rubaunui, ba si wona, “Bibeyebeyena biyim, mekabage ke nosinosi? Ba kota tana rukwauruba!”

³⁹Ba i bomsiri, sibe i kaotunei ba yoyo i wonei, “Ke ma guguba! Ki raboraobo!” Ba mara kesana sibe ibo yaragi ba niworowa i dauwa.

⁴⁰Saba ana nonorayauna i wonisi, “Mekabage wai ko nanaganagara? Ami bitumagana memena?”