Luka 9:51-61

⁵¹Iesuꞌe adure itiꞌuma madaḡaniꞌa hanitirotene ani Ierusalema habaꞌa onamoga radu inare zamariro.

⁵²Ebu ani vaze nu ibite tuḡuziro. Zeꞌe Iesu veize ruhibifine Samaria neḡa onamiro.

⁵³Rehano ne azaḡaniꞌa Iesu mene mae ḡihiniro, mazaḡa aniꞌe Ierusalema habaꞌa onaminu.

⁵⁴Iesu tahiꞌa ꞌaheu, Iakobo zu Ioaneꞌa horonadu Iesu ḡadiniro. “Zuhiꞌa Boro, ḡa uratine, emeꞌa Badiꞌa uminadu adureonoꞌo ire roga tuḡuniꞌuma ebu ze hufi haoziꞌuma!”

⁵⁵Rehano Iesuꞌa tehadu roziro. “Ago ꞌouge roꞌi!”

⁵⁶Ebu ze ne ꞌahoga onamiro.

⁵⁷Ze ibio onameꞌenogano, vaze ꞌahoganiꞌa aradu Iesu niro, raenaꞌa, “Ḡaꞌa noꞌe onamine, e ḡa hegotiꞌuma.”

⁵⁸Iesuꞌa naenaeninaꞌa, “Butu ḡuniḡaꞌe bazuni habaꞌazeta, ebu hitana niniḡaꞌe nezeta. Rehano eḡe, Vaze Ubuḡaꞌe bazunihe habaꞌaꞌe oꞌoꞌa.”

⁵⁹Ebu Iesuꞌa vaze ꞌahoga huniro, raenaꞌa, “Eḡe hegotoꞌi!” Rehano vaze eꞌeꞌa raenaꞌa, “Zuhia Boro, e geno mamahe guri onamihi raꞌohe.”

⁶⁰Iesuꞌa ninaꞌa, “Vine ruga azaḡaꞌa rune azaḡa guriꞌuma. U ḡaꞌe aradu Badiꞌaꞌa ibitoziniꞌeteꞌe moneo harame ragavoꞌi!”

⁶¹Ebu vaze ꞌahoganiꞌa raenaꞌa, “Zuhiꞌa Boro, e ḡa hegotiꞌuma. Rehano e ize ibite nabudihe uhizi onamihi.”