Luka 9:51-61

⁵¹Paifikire karibu suku ya kukweziwa Insa, iye akitwakali kuloza uso kuka Yerusalemu.

⁵²Akiwatuma mashikarakanzi wamojawapo walongorere. Ewo wakingira kaya ya waSamariya wantengezere.

⁵³Fala wenye kaya awasakire kumpokerera, konta Insa katwakali kuka Yerusalemu.

⁵⁴Wanafunzi wawiri Yakobu na Yahaya, nakuwona javire, wamwambira: “Mwenye, usaka titise moto kulawa mbinguni tiwapoteze wanu‑wa?”

⁵⁵Fala Insa akizungunuka, akiwasutumu.

⁵⁶Basi, wakilawa wakuka kaya nyengine.

⁵⁷Ewo wari munjira wakuka, mmojawapo akimwambira Insa: “Omi nukufulata kauka konse.”

⁵⁸Insa akinjibu: “Marikule wanawo mapondo, nyuni zanawo vitundu, fala Binadamu wa Binguni aana anta pakwinyamira kupumula.”

⁵⁹Ikisa, akimwambira munu mwengine: “Uwe nifulate!” Fala iye akamba: “Mwenye, nase kwanza nuke nikanzike wawa.”

⁶⁰Insa akinjibu: “Wase wafwi wawazike wafwi wawo. Ila uwe lawa, pita ukereza ufalume wa Mwenyezimungu.”

⁶¹Akilawa munu mwengine akamba: “Mwenye, omi nisaka nukufulate. Ila kwanza nase nuke, nikawalaye wajamaa zangu.”