Luk 9:51-61

⁵¹Na tafan kel nan i duh kagket Dyisas salu di langit, na toon fkah di fandaman i ksalun di syudad Dyérusalém.

⁵²Na taman nun dekan muna salu di satu banwe di Samériya du fatlagad i gumnean.

⁵³Kabay i dad ise Dyu mnè déén, là dmawat ku Dyisas, du gadèla én gusalun di Dyérusalém, i gumangamfù dad Dyu.

⁵⁴Na di kgadè Dyém na Dyan, lwe di dad mlalò kenen, na là ale dnawat déén, snalekla Dyisas, “Amu, mayè ge kè ku mni gami lifoh mdà di langit fye snakuf ale?”

⁵⁵Kabay meye Dyisas di dale, na nngakan ale.

⁵⁶Na fles ale magu di satu tukay banwe.

⁵⁷Di slengla magu di dalan, nun lagi talù di ku Dyisas, manan, “Magin agu ge balù nè gusalum.”

⁵⁸Na man Dyisas di kenen, “I dad tuyun, nun ilib gumulêla, na dad anuk di bnas, nun fulalla, bay agu, i dnagit Tingà To, balù gumilègu, landè.”

⁵⁹Na nun satu lagi nlak Dyisas, manan, “Magin ge deg.” Kabay man i to ani, “Amu, faloham agu mulê funa du lbanggu mà.”

⁶⁰Kabay man Dyisas, “Bayaam i tamati. Én lambang dun i dad mati, dunan i dad là gamfun nawa landè sen. Kabay i nimoam ge, mdà ge tmulen i dad to gablà di kagot Dwata.”

⁶¹Na nun satu to mangman, “Magin agu ge, Amu, bay funam agu faloh mulê du mbal di dademegu.”