SAN LUCAS 9:51-61

⁵¹Are ojoiconchiaon tiempo que Jesús sacoajín para ngajni, jehe ẍaonha para sacjoi ngain Jerusalén.

⁵²Jehe rroanha canxion chojni que joicao joajné icha saho, co chojni mé cjoi na ngain ná rajna ngain regioen Samaria para joicjé na ná nchia tti sintte jehe na conixin Jesús.

⁵³Pero chojni samaritano mé c̈hoha na joanjo na joachaxin nttiha ixin chonxin na que chojní Jesús conixin jehe satettji na para Jerusalén.

⁵⁴Are Jacobo co Juan conohe que ixin nisamaritano c̈hoha na danjo na joachaxin, jehe ndac̈ho ngain Jesús: ―¿Arinao soixin que tsetonha na janha na que rroxincanji ẍohi de ngajni, para soen cain chojni yá inchin joinchehe profeta Elías?

⁵⁵Cottimeja Jesús ngaria tsjehe na, co joinchesattehe na, ndac̈ho: ―Jaha ra noaha ra quehe clase de espíritu chonda ra.

⁵⁶Ixin janha, tti Xí que joixin de ngajni, joiha para nasoenxon chojni, sino que para rrochjaha na vida naroaxin. Cottimeja sacjoi na para ngain iná rajna.

⁵⁷Are tettji na ngatja nttiha, ná xí ndac̈ho xa ngain Jesús: ―Janha rinaho sacjin na cain lugar tti soixin sacji.

⁵⁸Jesús ndac̈ho ngain tti xí mé: ―Cain condaniẍa chonda va cuevé va, co cain conttoa chonda va caqué va, pero janha, tti Xí que joixin de ngajni, chondaha ni ttinó saric̈hin.

⁵⁹Jesús ndac̈ho ngain iná tti xí: ―Jaha chjin na. Pero tti xí mé ndac̈ho: ―Nttatsanha ñao, chonna na saho ndasenja ndodana para que janha tsjavá ndo.

⁶⁰Jesús ndac̈ho: ―Tanc̈hjanda tti chojni que chondaha vida naroaxin tsjavá chó na; pero jaha ttji co dindache chojni ixin Dios osiquetonha ngain ansén na.

⁶¹Cottimeja iná tti xí ndac̈ho ngain Jesús: ―Janha rinaho satsjin na, pero saho chonna na tsji sinttanoa ninchiania.