Lucas 9:51-61

⁵¹Jesús cielo su eputi tiempo beju enariatiani putsu, janimetucheatiana Jerusalén ejude su eputi puji.

⁵²Equene tu hui su pia discípulo cuana beitutana. Piada ejude su Samaria yahua su cuinatitana huecuana tahui jude ete ebasetati puji.

⁵³Beju samaritano cristiano cuana ja dapia ejude su aimue Jesús batsuja atana mahue, tueda Jerusalén ejude su epuhu shanapatana huecuana putsu.

⁵⁴Da su Jesús sa discípulo Jacobo, Juan detse ja daja id'aba putsu, Jesús uja atana tse: —Echua Puji biahua tiempo Diusu sa profeta Elías chenu ja cristiano madhada cuana cuati neje taitanamepetaidha. Beju jiahue, ¿a mique tsada ecuanaju Diusu ebaja cuati pabeituta puji, tueda samaritano cristiano cuana etaitanamepe puji?

⁵⁵Beju Jesús sa tsada mahua putsu, discípulo detse jubida d'ayatana, daja quisabatana tse su.

⁵⁶Da su pia ejude su putitana huecuana etahui puji.

⁵⁷Beju edid'i su tuna eputahu cama, piada deja ja Jesús nariatana. Uja tuahueda atana: —Echua Puji, mi yama tije aja quepia mi epuhu su.

⁵⁸Da su Jesús ja atana deja: —Cuacuacuacua cuana sa rara yanita. D'ia cuana sa esaji yanita. Beju quema mu ai mahue quepia echua epahuati puji.

⁵⁹Da su beju neicha Jesús ja pia deja atana uja: —Tije ema aque. Tuahueda Jesús atana uja: —Echua Puji, quema tata papa putsu chu, mi yama tije ya.

⁶⁰Da su Jesús ja atana: —Diusu shanapaji mahue cuana ja hue tuna sa manujiji cuana papapata. Miada mu puti putsu, Diusu ecuatsasiati epusiu ai quisa cuana cristiano cuana quisatique.

⁶¹Beju pia deja ja macha Jesús uja atana: —Echua Puji, yama mi tije aja. Equene tsuhu d'eji tiaque ema quema ete su eputi puji, quema familia cuana neje emitsutitiyu puji.