Lucas 9:51-61

⁵¹Sieluman Jesus cuticunanpaq ichicllana pishicaptinnam, eucorqan balorta tsarïcur Jerusalen marcaman.

⁵²Tsenam willacoqcunata cacharqan puntata ewayänanpaq. Pecunanam Samaria marcaman chäriyarqan, Jesuspaq posadata ashirnin.

⁵³Peru Samaria nunacuna manam chasquiyarqantsu, Jerusalenman pe ewashqanta mäquicur.

⁵⁴Tseta ricarninnam, disipuluncuna Santiagu y Juan queno niyarqan: —Teyta Jesus, ¿munanquicu sielupita nina shamur, que nunacunata ushacäratsinanpaq, Diosman mañaquicuyänäta?

⁵⁵Tseno niyaptinnam, Jesus pecunaman tumecur piñaparqan.

⁵⁶Tsepitanam juc marca nänipa eucuyarqan.

⁵⁷Nänipa ewarëcayaptinnam, Jesusta juc nuna queno nerqan: —Mayestru, meta tseta ewaptiquipis, noqaqa qatishqequim.

⁵⁸Jesusnam nerqan: —Atoqcunapa machenin canmi. Pishqucunapapis qeshun canmi. Peru Diospita Shamushqa Nunapaqa manam ni iman cantsu jamarinanllapaqpis.

⁵⁹Juc nunatanam Jesus nerqan: —Noqata qatimë. Tse nunanam nerqan: —Teyta Jesus, qamwan eucunapaq papänïtaraq pampamushaq.

⁶⁰Tsenam Jesus nerqan: —Wanushqano caqcuna wanushqacunataqa pampacuyätsun. Peru qamqa ewar, willaquï Diospa mandaquinincho imano canantsicpaq caqta.

⁶¹Juc nunanam nerqan: —Teyta Jesus, noqaqa qatishqequim, peru ewä wayïcho caqcunataraq despidicaramushaq.