Lucas 9:51-61

⁵¹Gorna mzhin gaxla mbizh kwaan nya Jesús yiba, mlib xaa lextoo xaa ya xaa Jerusalén.

⁵²Mxaal xaa lak xaa xaa nzha delant lo xaa, zee ya xaa tub yezh cheen Samaria zee kwaan xaa pa kwaz re xaa.

⁵³Per lee re xaa yezh ba nanzheklat kayaa re xaa, nel mzeen re xaa yezh ba, lee re xaa ya naz Jerusalén.

⁵⁴Gorna lee Chag rop Juan, xaa mseed lo Jesús, mzeen kwaane, zee nzhé xaa lo Jesús: —Xaa Nabeyy, ¿che nzhekla lu nabeyy nu lo ki zee roo ki naz yiba, zee luuxa re xaa nzho yezh ne?

⁵⁵Zee lee Jesús mwii lo rop xaa, nu mgalno xaa xaa.

⁵⁶Zeera nzha xaa stub yezh.

⁵⁷Gorna nzo Jesús kwaan re xaa naz, tub xaabyi nzhé lo Jesús: —Xaa Nabeyy, nzhekla na reke na tich lu rese pa ya lu.

⁵⁸Jesús mkeb lo xaa nzhé: —Lee re mbaz nkano ma yeer cheen ma nu lee re mbyin nkano ma xlaaz ma; per lee na, Xaa Mzhin Ngok Myet nankanot na mer li na.

⁵⁹Jesús nzhé lo stub xaa: —Breke tich na. Per lee xaa ne mkeb nzhé: —Xaa Nabeyy, laa yilo kaach na xuz na.

⁶⁰Jesús mkeb lo xaa: —Laa kaach re xaa nak mod tub xaa ngut re xaa ngut. Lu, gwa nu bzaa kwent cheen pa nabeyy Dios.

⁶¹Nu lee stub xaa nzhé lo Jesús: —Xaa Nabeyy, nzhekla na reke na tich lu, per yilotlaka laa ya na zee yé naya lo re sawlizh na.