Luk 9:51-61

⁵¹Jises badeh, tanan, mirihik kameh Kindrei akohok iy udu Jerusalem iu i kandrah. Eme ya mesekei budon tan badeh, abadok ta ili Jerusalem.

⁵²Eme iy suni iri lau rayah ta tiye sahou ala bwena, ala kon Samariya ta lowosa lakou mari lewan;

⁵³Iy ili, arile iri lau badeh, baseken iy bwe, tasah tekedek tan doh nane ta ili Jerusalem labai.

⁵⁴Eme Jemis uru Jon anuhun kandriyen doh badeh, eme uru ndremenya Jises, “Laban, ou aseken to kaloh jih udu kandrah keme andri kasulumwi iri?”

⁵⁵Arile, Jises tubuni iy eme, iy tiye boto-on i toro anya, “Bwe.”

⁵⁶Eme oro au a kon ari ja.

⁵⁷Eme oro adek san ala badeh, ndramak ari tiye i tan anya, “Jises, loboho heh, ou ala aliy, jo kameh in le hamon tam.”

⁵⁸Eme Jises tiye i tan i buku doh, “Iri mwi badu lokei, munu iri udu aliy, ya iri sirih ale awi iri ta matinou udu aliy. Arile, jo Nadu Ndramak Awas badeh, ari ndrahu matinou tek, bwe.”

⁵⁹Ano, Jises tiye sahou i ta ndramak ari ja anya, “Ou ame an hamon tek.” Eme ndramak dah anya ja, “Laban, jo kili kihi tama op. Ano jo barawek bara-en hamon tam.”

⁶⁰Arile Jises tiye i tan ja, “Iri lau amak badeh, kado gwek. Idah kameh, iri lau badu hawe iri barala bara-eh iri. Arile, ou badeh, adek ala atiye sahou ta nyala tondrok ta Kindrei.”

⁶¹Ano ja, ndramak ari ja tiye anya, “Laban, jo kameh in hamon tam; arile jo kili katiye tanan ta lowak oro op.”