Luuka 9:51-61

⁵¹Osaleelaka ofiya wakathi wa Yinsa orutela pinkuuni, khujilakelela weetta sitati ya Yeruzaleemu.

⁵²Khuwaalokozisa akarumeya awe, yo alawaka khusapuwa nti wa Samariiya yoori amweekesele puuro yoomakavo.

⁵³Ila atthu a nti wa Samariiya khuhimpokhereli, maana aajuwiye yoori eetta ovira eettaka Yeruzaleemu.

⁵⁴Yaakhumpa na Yaahaya nawoona vitthu zaya epile khumuuza Yinsa yoori: “Mbwana, ontakha yoori nirume moottho wa pinkuuni owaalukuze, nkhama etthiipo Aliyaasi aaretiiyeezo?”

⁵⁵Ila Yinsa khuzukuluwa khuwaamaruwela araka: “Mweeyo khamwinjuwa rooho mwiriinaazo.

⁵⁶Mwaana wa Pinaatamu khateeleeni opwetecha nafusi za atthu, aateeliye wuusuru.” Aphano khulankha khusala alawa nti nkina.

⁵⁷Eettaka olawa ntarikhi khupuwa ntthu mmote khumuuza yoori: “Kintta wuulotta wakhula vahali oneettaavo.”

⁵⁸Yinsa khunjipu araka: “Ananthala anaaye maphotto aya, anyannyi anaaye vijaaro zaya, ila Mwaana wa Pinaatamu khana vahali woovumulisavo eeshwa yawe.”

⁵⁹Yinsa khumuuza ntthu nkina yoori: “Okilotte.” Ye khujipu araka: “Mbwana, okilikhe khapula kilawe kanzikhe paapa.”

⁶⁰Yinsa khumuuza yoori: “Owaalikhe anamfwa awaazikhe anamfwa aya; weeyo olawe walaleye ofwalume wa Nnyizinku.”

⁶¹Khupuwa ntthu nkina theenya khumuuza Yinsa yoori: “Kintta wuulotta Mbwana, ila okilikhe khapula kawaaleeze ajamaazaku.”