Luka 24:18-53

¹⁸Jek lendar, savo akhardolas Kleopa, phendas lešće: “Zar san tu jedino stranco ando Jerusalim savo či džangla džanas so sas ando Jerusalim akala đesa?” SECOND version of verse 18 Thaj jek lendar, alavesa Keopa, phendas lešće: “Zar san tu jedino stranco ando Jerusalim thaj či džanas so sas ande leste kala đesa?”

¹⁹A o Isus phendas: “So sas godova?” A von phendine lešće: “Pa okova e Isuseja andar o Nazaret. Vo sas proroko, silno pe delurja thaj ande alava anglo Del thaj angle sa o them:

²⁰Ali amare šorvale rašaja thaj e vladarja predaisardinele te avel osudime po smrto thaj razapnisardine les.

²¹A amen nadisajlam kaj si vo okova savo otkupila o Izrael osim godova, akava si već trito đes sar gadava dogodisajlo.

²²A još vi varesave manušnja, save sledinas les zajedno amenca, zbunisardine men: čim svanosardas đele po limori,

²³ali okote či arakhline lesko telo pa aviline thaj phendine amenđe kaj sikadile lenđe e anđelurja thaj phendine lenđe kaj si o Isus džudo.

²⁴Varesave amarendar prastaine po limori thaj arakhlam sa sar e manušnja phendine, ali les či dikhline.”

²⁵A o Isus pe godova phendas lenđe: “O sar sen nerazumne, nisar te paćan ande kova so phendine e porokurja!

²⁶Zar či von prorokuisardine kaj o Hristo sa godova moraš te pretrpila majsigo nego so dela ande piri slava?”

²⁷Askal o Isus započnisardas te rastumačil lenđe sa so ramomalpe ando sveto lil pale leste, katar o Mojsije džike e prorokurja.

²⁸Pe godova avile paše dži ko gav ande savo džanas, a o Isus ćerdapes sago kaj džal majdur.

²⁹Ali von nagovorinas les: “Ač amenca! Kaj već peli e rjat, a o ćes naćhel!” Vo ačhilo thaj dijas lenca ande ando ćher.

³⁰Dok sas lenca pale sinija, o Isus lijas o mangro, blagoslovisarda les, phaglale thaj dijalen.

³¹Pe godova putajle lenđe jakha thaj pindžardineles, ali vo nestanisardas angle lenđe jakha.

³²Askal von phendine jek avrešće: “Zar či phabolas amaro ilo ande amende dromesa dok ćerelas amenđe svato, thaj dok tumačilas amenđe o Sveto lil?”

³³Odma spremisajle thaj boldinepes ando Jerusalim. Okote arakhliine e dešujek apostolja thaj vi aver e Isusešće sledbenikon.

³⁴Von phendine lenđe: “O Gospod čačes uskrsnisardas thaj sikadilo e Simunešće!”

³⁵Askal von phendine sar maladine e Gospode po drom palo Emaus thaj sar pindžardine les kana phaglas o mangro.

³⁶Dok von ćerenas svato pale godova, o Isus katar jekhvar ačhilo maškar lende thaj phendas lenđe: “Miro tumenđe!”

³⁷Von, zbunime thaj darane, gndisardine kaj dićhen e duho.

³⁸A o Isus phendas lenđe: “Sostar darajle? Sostar kasavi sumnja bijandili ande tumare ile?

³⁹Dićhen mungre vas thaj mungre pungre! Me sem gadava! pipnin man thaj dićhena! E duho naj kokala ni mas sago kaj dićhen kaj man si!”

⁴⁰Phendas lenđe godova, thaj sikadas lenđe pire vas thaj pire pungre.

⁴¹Katar o čuđenje thaj katar e bah naštik paćaine. A vo phendas lenđe: “Situmen vareso hamasko?”

⁴²Von dineles kotor pesko mačho.

⁴³Vo lija les thaj halas anglalende.

⁴⁴Askal phendas: “Pale akava phenavas tumenđe dok još semas tumenca: Trubul te pherelpes sa so si ande Mojsijesko zakono, ande proročke knjige thaj ande psalmurja pale mande ramome.”

⁴⁵Askal putardas lenđi gođi te haćaren o Sveto lil.

⁴⁶Thaj phendas lenđe: “Ramome si ande svete knjige: O Hristo trpila thaj o trito đes uštela andar e mule.

⁴⁷Ande lesko alav propovedilapes sa e manušenđe kaj trubun te pokainpe gajda te o Del jartol lenđe bezeha. A počnila andar o Jerusalim.”

⁴⁸Tumen sen svedokurja pale godova.

⁴⁹A me bičhalava tumenđe e Sveto Duho, baš sago kaj mungro Dad obećisardas. Zato ačhen ando gav dok či len pe tumende e sila opral.”

⁵⁰Pale godova o Isus inđardalen paše dži ke Vitanija. Okote vazdas pire vas thaj blagoslovisardalen.

⁵¹Gajda sar blagoslovisardalen, sas vi lino ando nebo.

⁵²Von peline pe koča angle leste thaj askal bare bahtasa boldinepes ando Jerusalim

⁵³Okote ando Hramo neprestalno slavinas e Devles.