Luka 18:25-35

²⁵Kameroꞌe niduru hoꞌoga diuḡogaꞌe riḡa. Rehano maꞌora vazeḡaꞌe Badiꞌaꞌa ibitohauꞌeteꞌe vazeḡa rougaꞌe ufeta riḡa.”

²⁶Eꞌe igiroteꞌe azaḡaniꞌa raenaꞌa, “ꞌOugine iniuꞌa daꞌo ḡabone hidiꞌuma?”

²⁷Iesuꞌa naenaezinaꞌa, “Vazeꞌa haḡaoga mene idaḡa ḡauḡaꞌe, Badiꞌaꞌa haḡaoga idaḡa.”

²⁸Ebu Peteroꞌa niro, raenaꞌa, “Eme ḡau niduꞌa modadu ḡa ḡaruna hegoteꞌohe.”

²⁹Iesuꞌa zinaꞌa, “E hube hune ziꞌohe. Vaze ꞌahoganiꞌa Badiꞌaꞌa ibitohauꞌeteꞌe veize, neḡa, inuga, negoḡa, viꞌa moga ga tahiꞌaḡa mode iḡunine,

³⁰izidi madaḡano ani naeḡa ḡae ḡehaḡa hidiꞌuma, zu zama moneo ḡabone tuḡutuḡu meꞌuma.”

³¹Ebu Iesuꞌa ane tahiꞌatahiꞌa 12 nuꞌozadu ziro, raenaꞌa, “Zae edeḡa eme Ierusalema habaꞌa iteꞌohe. Eꞌea feurine, peroveta azaḡaniꞌa eḡe, Vaze Ubuga, moneo mirihiroteꞌe ḡauḡaniꞌa hudaꞌuma.

³²Eꞌe Roma azaḡa evora riꞌihiꞌuma. Ebu zeꞌa ḡirihohiꞌuma, mazagarohiꞌuma zu eḡe rana soꞌabidiꞌuma.

³³Ebu masihiꞌuma zu uḡuhiꞌuma, rehano mada uḡiduḡano bare ḡabode iḡuniꞌuma.”

³⁴Rehano ani ḡoere hugaꞌe ꞌuꞌuruḡa ꞌahine, Iesu tahiꞌatahiꞌaꞌe aniꞌa ziroteꞌe goeꞌa huga mene ederiro.

³⁵Iesuꞌe Ieriko habaꞌa hanitiro. Eꞌea ubuma kuruḡa vazeḡa ꞌahogaꞌe ibi genaḡano ehoradu vaze mazao moni umidinu.