Luke 18:25-35

²⁵Ac fisrasr soko camel in fahsr sasla ke mutun soko nilul, liki sie mwet kasrup in utyak nu in Tokosrai lun God.

²⁶Na mwet ma lohng kas ma el fahk uh siyuk, “Fin ouingan, su ac ku in moul?”

²⁷Jesus el topuk, “Ma su kofla orek sin mwet uh, God El ku in oru.”

²⁸Na Peter el fahk, “Liye, kut filiya ma lasr nukewa ac fahsr tukum.”

²⁹Ac Jesus el fahk nu selos, “Pwayena nga fahk nu suwos, kutena mwet su filiya lohm sel, ku mutan kial, ku mwet wial, ku papa tumal ac nina kial, ku tulik natul ke sripen Tokosrai lun God,

³⁰el ac fah eis ma yohk liki ke moul se inge, oayapa ke moul se tok uh el ac fah eis moul ma pahtpat.”

³¹Jesus el srela mwet singoul luo uh nu saya ac fahk nu selos, “Lohng akwoye! Kut ac som nu Jerusalem pa inge, yen se ma nukewa mwet palu elos tuh simusla ke Wen nutin Mwet ac akpwayeyuk we.

³²Ac fah itukyang el nu inpoun mwet pegan, su ac fah aksruksrukel, fahk kas koluk kacl, ac anel.

³³Elos ac fah srunglul ac unilya, tusruktu tukun len tolu el ac fah sifil moulyak.”

³⁴Mwet tumal lutlut elos tiana kalem ke ma inge; kalmen kas inge wikla nu selos, ac elos tia etu ma Jesus el kaskas kac uh.

³⁵Ke Jesus el tuku apkuranyang nu Jericho, oasr mwet kun se muta sisken inkanek uh ac ngusr.