San Lucas 18:25-35

²⁵Okachi amo owi panos se “kameyo” kan ik iixtololo se akuxa, iwa amo se non kitlawelpia tomi makalaki ilwikak.

²⁶Yika akimeh ijkó okikakeh okijtojkeh: —Tla ijkó, ¿akin kalakis kan Dios tlanawatijtok?

²⁷Jesús okinmili: —Tlan amo weletih kichiwah n tlakah, Dios weleti kichiwa.

²⁸Ijkuakó, Pedro okili: —Tejwah otikkakajtejkeh nochi tlan otikpiayah, iwa otiwalajkeh mowah.

²⁹Ijkuakó Jesús okinnankili: —De milajka nomechilia, akin kikakajtewa icha, itajwah, ikniwah, isiwa, noso ipilwah, para kichiwas tlan Dios kinawatia,

³⁰noni kiselis okachi miak itech nin tlaltíkpaktli; iwa itech n tonatijmeh non sikin witseh, yolitos nochipa.

³¹Satepa, Jesús okinmoololo n májtlakteh iwa ome itlamachtijkawah iwa okinmili: —Xikkakikah, axa tiawih Jerusalén, Ne Non onimochi ni tlakatl nechtoktiskeh nochi tlan okijkuilojkeh n profetas.

³²Ompa nechtemakaskeh inmak non amo judíojteh, nechpijpinawiskeh, nechwijwikaltiskeh iwa nechchijchawiskeh.

³³Nechwitekiskeh, tlamis nechmiktiskeh. Iwa ipan eyi tonati nimoyolitis.

³⁴Itlamachtijkawah mach itla okajsikamatkeh, nion okimatiah tlan okintlapowiaya.

³⁵Ijkuak Jesús ya onajsia kan altepetl de Jericó, se tlakatl non amo otlachiaya omijtlanijtoka inakastla n ojtli.