LUKU 18:25-35

²⁵Lakumi gɛ̃na pↄrↄyĩn aaga dɛ auzikide gɛ̃na kpata kɛ̀ bↄ̀ Luda kiia guula.

²⁶Ben gbɛ̃ kɛ̀ aↄ̃ yã pì mànↄ bè: Dé bé eé fↄ̃ à mìsina ee?

²⁷Yesu wèńla à bè: Yã kɛ̀ gbɛ̃ntee fùa à kɛ, Luda kiia è sí kɛ.

²⁸Ben Pita bè: Wa baabↄ píngi tò wa tɛnzi.

²⁹Ben Yesu bèńnɛ: Yãpuraan mɛ́ɛ ooare, gbɛ̃ kɛ̀ à a bɛɛ tò ke a naↄ̃ ke a vĩ̀inↄ ke a dãaronↄ ke a de ke a da ke a nɛ́nↄ kpata kɛ̀ bↄ̀ Luda kiia yãnzi,

³⁰adee é ɛara à beee taka e dɛ yãala paripari anduna kɛ̀ guu, eé wɛ̃̀ndi kɛ̀ è yãaroo e anduna kɛ̀ èe mↄↄ guu.

³¹Yesu a gↄ̃ↄn kuri awɛɛplaaanↄ kàkↄ̃aazi, ben à bèńnɛ: Wée gaa Yerusalɛmu. Gwen yã kɛ̀ annabinↄↄ kɛ̃̀ Luda yãn Gbɛ̃ntee Nɛ́ musu é papan píngi sa.

³²Weé à kpá bori pãnde gbɛ̃nↄa, aↄ̃é à fabo, aↄ̃é à sↄ̃sↄ̃, aↄ̃é lóu sua, aↄ̃é à gbɛ̃ flã̀o, aↄ̃é à dɛ,

³³à gurↄ aagↄ̃dee zĩ eé fɛɛ.

³⁴Mↄde à ìba pìnↄↄ e à ke mì dↄ̃ro, zaakɛ yã pì mì utɛnańnɛ, aↄ̃ↄ dↄ̃ yã kɛ̀ èe ooro.

³⁵Kɛ̀ Yesu kà kĩi kↄ̃n Yɛrikoo, vĩ̀a kee vɛ̃ɛna zɛ́ lɛ́a, èe baa kɛɛ.