SAN LUCAS 18:25-35

²⁵Ahhuel panos in camello ipan itlacoyoc in acoxa. Huan tla cuali yesquiyani, molui tequiyo. Huan ocachi tequiyo in rico calaquis ipan tetlatequiutilistzin Dios.

²⁶Ic inin, in aquin oquicajque oquihtohque: ―Tel, ¿aquin cuali maquisas?

²⁷In Jesús omoluihque: ―In tlen in tlacamen ahhuel quichihuasque, in Dios cuali mochihuas.

²⁸In Pedro oteiluic: ―Notecohtzin, tehhuan ticautoque in tlen ticpiyahque ic titecuitlapanuisque.

²⁹Oncan Yehhuatzin oquinnanquililoc: ―Ic nele namechiluiya; in aquin quicahuas ichan, noso itata huan inana, noso icnihuan, noso isihuau, noso ipiluan, tepampa in tetlatequiutilistzin Dios,

³⁰quiselis ocachi ipan inin tlalticpactli, huan ipan in tlalticpactli tlen hualas quiselis in nemilistli nochipa.

³¹In Jesús omonotzque secnin in mahtlactli huan ome tetlamachticahuan huan omoluihque: ―Axan tiyohue Jerusalén canin tzonquisas ica tlen oquihcuilohque in tlayolchicaucamen ica nehhuatl aquin Nitetiachicau ica nochin tlacatl.

³²Tleca nechtemactisque inmajco in tequihuahmen romanohteco aquin nechahuiltisque, huan nechpactecasque huan nechixchihchahuisque.

³³Huan nechuihhuitequisque, huan satepa nechmictisque. Huan ipan yiyi tonali niihsas den mijcamen.

³⁴Huan yehhuan ahmo tlen oquinnehnehuilihque ica inin, niyan oquimatque ica tlen oquinnonotzaloc, tleca inon tlahtoli ahhuel oquinehnehuilihque.

³⁵Ihcuac in Jesús oahxihuataya ipan in altepetl Jericó, se ixpatzac oyehuatoya itentla in ohtli ic quitlahtlani in limosna.