Luka 18:25-35

²⁵Kamela ie lusora mo diu gudana eai, taumonamonaune Eaubada ena basileia dobilana eai bena i lusora, abo i ahi.”

²⁶Isi tatao teina riba ta se ataiei abo si ene, “Taba nei doha eai abo i mauri?”

²⁷Ia i ene, “Ginauri wa tatao nige abidi se ata, Eaubada mo abidi ie ata.”

²⁸Petero abo i ene, “Ai ginauri gamagaridi ai laugabaedio, ai hemuriwataim.”

²⁹Iesu i ribalau aridi eai, i ene, “Mamohoi, ea heribamiu ta nige tau esau numa, e tamana, e sinana, e ena dodogayao, e monena, e nanatunayao i laugabaedi Eaubada ena basileia debana eai.

³⁰Ia teina huia ta ginauri gamagaridi abo i abidi, eo maraitom asubena mauri nige nosina.”

³¹Saudoudoi‐labui wa i woeaidima, ie ribalau aridi eai, i ene, “Ta sae Ierusalema eai, riba gamagaridi, tau Natuna ribana, peroveta se uridio abo se hemamohoiedi.

³²Paana ia abo se moselaei Murimuri‐tataodi nimadi eai, ia abo se talatalawasiei, eo se hebaaeaaririei, eo se garigarisoi.

³³Ia abo se lubilubini, eo se unuhemate: asubena hehaionana eai abo i torouio.”

³⁴Teina riba ta nige se nuatulobaidi: riba wa i ribayamui, riba wa i ribaedi wa aniodi nige abina se ata.

³⁵Ia abo i laoma Ieriko i hanahanaui, tau matagibugibu esau i bawabigabiga eda gegesina eai, ginauri i awaawanori.