Luka 10:3-39

³Đan, ak bičhalav tumen sar terne bakren maškare ruva.

⁴Ma inđaren šljanpiko ni trasta ni urajimase ke pingre, thaj dok phiren ma ačhen te vačaren ko drom khanikasa te ma hasaren tumaro vreme.

⁵Kana den an nesavo čher angleder vačaren: “Mir ane kava čher.”

⁶Ako gola so bešen ano čher manđen o mir, o mir ka avol pe lende, ako ni manđen ka iril pe tumenđe tumaro mir.

⁷Kana đan an nesavo čher, ma tar gova čher đan ke aver. Ačhen ke gova čher, thaj xan thaj pijen so isi len, golese kaj o bučarno dostojno si pe platače.

⁸Kana den ane nesavo foro thaj gothe manđen tumen, xan so anen angle tumende.

⁹Sastaren e nasvalen save si ane gova foro, thaj vačaren lenđe: “Kava sikavol tumenđe kaj si o carstvo e Devleso paše.”

¹⁰A kana đan an nesavo foro thaj ni manđen tumen gothe, ikljen ko drom lengo thaj vačaren:

¹¹“Thaj o praho taro tumaro foro savo si pe amende kosa amendar sar znako da o Dol ka sudil tumenđe. Al te đanen paše avilo tumenđe o Carstvo e Devleso.

¹²Vačarav tumenđe kaj i Sodomaće ka avol po lokho ko đive e Sudoso nego gole manušenđe gole forose!

¹³Pharo tumenđe, manušalen taro Horazin! Pharo tumenđe, manušalen tari Vitsaida! Golese te čerdonasa e čudura ano foro Tir thaj ano foro Sidon sar tumende so čerdile, dumutane bi pokajinape thaj bi bešena urade ano dorikalo pohtano thaj ano praho.

¹⁴A e manušenđe taro Tir thaj e manušenđe taro Sidon ka avol poločhe ko sudo nego tumenđe.

¹⁵A tumen manušalen taro Kafarnaum! Đi o nebo li ka ušten? Ka peren đi ko than kaj si e mule–Had.

¹⁶Thaj vačarda pe sikadenđe: “Ko tumen ašunol, man ašunol, thaj ko tumen čhudol, man čhudol. Ko čhudol man, čhudol e Devle savo bičhalda man.”

¹⁷Kana irisajle kola eftavardeš thaj duj sikade radosno vačarde e Isusese: “Rajo, e benga pokorisajle amenđe ke ćiro alav.”

¹⁸A o Isus vačarda lenđe: “Me dikhljem e Sotona sar pelo taro nebo sar munja.

¹⁹Ak dijem tumen zor te ačhen pe sapa thaj pe škorpije thaj pe sa o vlast e dušmaneso, thaj khanči ni ka avol tumenđe.

²⁰A golese tumen ma aven radosna so e duxura pokorinpe tumenđe, nego aven radosna so tumare alava pisime ko lil e Devleso ano nebo.”

²¹Ane gova časo o Isus pherdilo radost ano Sveto duxo thaj phenda: “Hvaliv tut, Dade, Rajo e phuvako thaj e neboso, so garadan ćo čačipe tare butđangle thaj tare razumna a vačardan e ciknenđe. Va, Dade, golese kaj si gova ćiri volja.”

²²Thaj irisajlo o Isus ke pe sikade thaj vačarda: “Sa manđe dija o Dad mingro, thaj khoni ni đanol ko si o Čhavo sem o Dad, ni ko si o Dad sem o Čhavo, thaj okola kase o Čhavo manđol te vačarol.”

²³Thaj irisajlo e sikadenđe korkore kana sesa thaj vačarda lenđe: “Blagoslovime si e jakha so dičhen so tumen dičhen.

²⁴Golese vačarav tumenđe kaj but prorokura thaj carura manglje te dičhen man thaj ni dikhlje, thaj manglje te šunen man thaj ni šunde.”

²⁵Thaj uštilo jekh tare učitelja taro Mojsijaso zakono te iskušil e Isuse thaj pučlja le: “Učitelju! So trubul te čerav te avol ma đuvdipe bizo meripe?”

²⁶A o Isus vačarda lese: “So si pisimo ane Mojsijaso zakono? Sar tu gova haljare?”

²⁷A vov phenda e Isusese: “Čumide e Rajo e Devle ćire sa e ilesa ćiresa, sa e ođesa ćiresa, thaj sa e zorasa ćirasa, thaj sa e gođasa ćirasa, thaj mang će pašutne kozom manđe korkore tut.”

²⁸A o Isus vačarda lese: “Šukar vačardan. Čher gova thaj ka avol tut đuvdipe bizo meripe.”

²⁹A o učitelji taro zakono manglja te pravdilpe, pa pučlja e Isuse: “Ko si mo pašutno?”

³⁰A o Isus vačarda lese: “Jekh manuš ulilo taro Jerusalim ano foro savo akhardol Jerihon, thaj dolde le e čora, save uljarde lese šeja thaj marde le. Đele pese thaj ačhade le opaš mule pašo drom.

³¹Thaj slučajno gole dromesa nakhlo nesavo jevrejsko svešteniko, thaj dikhlja le em crdijape lestar ki aver rig thaj nakhlo.

³²Gija thaj i o Levito e sveštenikoso sluga kana avilo ke gova than avilo paše, dikhlja le thaj nakhlo.

³³A nesavo Samarijanco avilo paše leste, dikhlja le pa pelo lese žal.

³⁴Thaj avilo koslja e manušese rane uljesa thaj moljasa, thaj pačarda len, Čutale ke po her thaj inđarda le ani mehana, thaj dikhlja pe leste.

³⁵Thaj theara đive kana lija te đal ikalda duj grošura dija ko manuš kasi sasa i mehana, thaj phenda lese: 'Dik pe leste, thaj te trošisadan po but me ka počinav kana ka irima.'”

³⁶“So den gođi akana?” Pučlja o Isus. “Tare kala trin đene ko sikadilo thaj sasa po pašutno kolese so doldele e čora?”

³⁷A učitelji e zakoneso phenda lese: “Okova savo čerda milosrđe.” A o Isus vačarda lese: “Đa, thaj tu čher gija.”

³⁸A kana đele premalo Jerusalem, o Isus thaj lese sikade avile ane jekh gav, a jekh đuvli, akhardola Marta, dija len vika ane po čher.

³⁹Thaj la sasa phen, akhardola Marija, savi bešli paše pingre e Isusese thaj šunda leso vačaripe.