Leviticus 18

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

¹Midsuǥù te Nengazen si Moises

²he keǥiya zin heini ziyà te menge Israilihanen: Iyan a Nengazen he Megbevayè niw.

³Kinahanglan he kenè niw veeli is menge ebeelan te menge etew ziyà te Ehipto he zutun kew med-ubpà dengan, wey is menge ebeelan te menge etew ziyà te Canaan, he zutun ku sikiyu ed-uwita.

⁴Kinahanglan he edtumanen niw is menge suǥù ku wey menge sulunuzen su is etew he edtuman kayi ebpekaangken te meupiya he ked-ubpà. Siak is Nengazen he Megbevayè niw, midsuǥù ku sikiyu.

⁶Wazà minsan hentei keniyu he mebpekidhilavet te megeget he kezuzumahi zin.

⁷Kenè nu peel-elezi is amey nu pinaaǥi te kebpekidhilavet te iney nu etawa zuma pa he esawa zin.

⁹Kenè ka mebpekidhilavet te etevey nu, minsan etevey nu zà sikandin diyà te amey nu etawa iney nu, midekelè man sikandin duma keniyu wey ke wazà.

¹⁰Kenè ka mebpekidhilavet te apù nu he vahi, su ebpekeveǥey heini kenikew te keelezan.

¹¹Kenè ka mebpekidhilavet te anak he vahi te amey nu ziyà te zuma he esawa zin, su suled nu zaan sikandin.

¹²Kenè ka mebpekidhilavet te ayè nu, suled man te amey nu etawa iney nu.

¹⁴Kenè nu peel-elezi is suled he maama te amey nu pinaaǥi te kebpekidhilavet te esawa zin, su ayè nu zaan sikandin.

¹⁵Kenè ka mebpekidhilavet te ambey nu su esawa sikandin te anak nu.

¹⁶Kenè ka mebpekidhilavet te ipag nu su ebpekeveǥey heini te keelezan te suled nu.

¹⁷Kenè ka mebpekidhilavet te anak etawa apù he vahi te vahi he mibpekidhilavet ka kandin dutun te nehuna he timpu, su kela ke anak nu etawa apù nu haazà, ne mahawag heeyan he vaal.

¹⁸Kenè nu esewaa is ipag nu zutun te uuyag pa is esawa nu.

¹⁹Kenè ka mebpekidhilavet te vahi he edlengesahan su meremerik sikandin.

²⁰Kenè ka mebpekidhilavet te esawa te zuma, su emun ebeelan nu heini ed-isipen ka he meremerik.

²¹Kenè nu iveǥey is minsan hentei te menge anak nu su wey ikepemuhat diyà te ed-ezapen he si Molec, su ebpekeveǥey heeyan kedì te Megbevayè nu te keelezan. Iyan a sikan is Nengazen.

²²Kenè ka mebpekidhilavet te iring nu he maama su mekeeled-eled heeyan.

²³Kenè ka mebpekidhilavet te uyaǥen su utew heeyan mahawag, wey minsan is bahi ne kenè din iveǥey is lawa zin para mehileveti te uyaǥen. Su sevaha heini he kedsuwey te hustu ne ed-isipen ka he meremerik emun ebeelan nu heini.

²⁴Kenè niw remeriki is keugelingen niw pinaaǥi te kebaal te minsan hendei kayi he vaal, su iyan heini ingkeremeriki te menge etew he edsegseǥen ku puun te tanà he para keniyu.

²⁵Ne minsan ganì heeyan he tanà neremerikan tenged te ebeelan dan, umbe impaaǥi ku keniyan he tanà is menge kezeetan su wey pinaaǥi zutun mekeawè dan keniyan. Piru sikiyu is menge meǥinged he Israilihanen wey is kenà menge Israilihanen he mid-ubpà duma keniyu, kenè niw veeli heeyan is mahawag he menge vaal, kekenà, tumana niw is menge sulunuzen he ibpesunud ku wey menge suǥù. Su emun edremerikan niw heeyan is tanà pinaaǥi te kebaal niw keniyan he menge vaal, ibpaawè kew zaan keniyan he tanà iring te menge etew he nehuna keniyu.

²⁹Is minsan hentei he ebaal keniyan te utew mezaat he menge vaal ne kenè niw en sikandin isipa he zuma niw.

³⁰Umbe, tumana niw is ebpeveelan ku keniyu ne kenè niw iringi is utew mezaat he menge ebeelan te menge etew he nehuna keniyu, su wey niw kenà meremeriki is keugelingen niw tenged kayi. Iyan a kes Nengazen he Megbevayè niw.