Livitikas 18

1

3

13

17

18

19

20

24

¹Wasina bi Yawe God, Mosis iwonena mayeni bo,

²“Isrel damdi kuwonedi da Tagu na Yawe yami God.

³Gegha konabera da ware Ijipt damdi siyaberaberana, iiyawogha yadi kubure koya makamakena naboni, bo konabera da ware Kenen damdi siyaberaberana, iiyawogha yadi kubure akabimi tanaghonagho na naboni. Geyadi kedagha konanaghona.

⁴Tagu na Yawe God, noko biidi yagu gwara da wonawiiyoyowana kokabisisiredi da konabera.

⁵Memeda yagu gwara konakabisisiredi bi wonawiiyoyowana konabera, na yawa gwabidima konakabi, Tagu Yawe God.

⁶Tagu Yawe God, na yagu sisiya kowaiyana, da getana iiyabo yana rakaraka ririne yawata sinimumuranana.

¹⁹Gegha wasike nawaravi yakabikabi, bi yawata konimumuranana, basuna touna na dadabuna.

²⁰Gegha tomogha tana wavinena yawata konimumuranana - memeda naboni konabera na konidadabumi.

²¹Gegha natunatumi konapuyo, god Molek yana suwara gabugabuna gawarina debane. Tagu na Yawe yami God, bi memeda naboni konabera na kagu waghawagha konisinimayamayayi.

²²Gegha tomogha tana tomogha turana yawata sinimumuranana, mayimayiyina wasike teya; Mataguve na mmko ibero kirakii.

²³Gegha tomogha bo wasike tana ribiribi teya sinimumuranana, memeda naboni konabera na tami konadadabu.

²⁴Gegha mmkodi beradi konabera da konidadabumi. Basuna nokodi wawaya Kenen kubure samakamakena naboni sibera da mataguve na sidadabu, noko biidi na kuburinama ivikanibuvedi bi tami konarughu kamone.”