Levitikus 18

1

3

13

17

18

19

20

24

¹Bada i sisiya Moses kurina,

²“Israel biyisi ke wonisi, ‘Yauku Bada ami God.

³Kona kairavina kega Egypt biyisi koi boneboneisi memena ko mamana wai, kona Canaan biyisi karaku nakai au rabaimi ta nenae wai, kega kosi koi boneboneisi.

⁴Au kairuwana kona bosisirei ba kona kita kabitamni kata au kaobiyoyobana kona kibi. Yauku Bada ami God.

⁵Kona kairavina au kairuwana ba au kaobiyoyobana kona bokikisi, kairavina sebare kotoi e bosisira wai yawasina ina manei. Yauku Bada.

⁶Au kaobiyoyobana ko nonori. Kega kesana kotoi ana rakaraka damana ba ina dauwei.

¹⁹Wasike kana nawaravi ina yauni maranai kega kuna dauwei. Kona wai pudapudana.

²⁰Maturam kaowana kega kuna dauwei, ba kuni pudapudaim.

²¹Kega natunatumi god Molech ana raunabonabo tepanai kona puyobunuwa. Yauku Bada ami God, ba nikona kona wosei wai kau waba koni gigimi.

²²Kega sebare kesana sebare kwainana ina dauwei nakasike bage wasike e dudauwei wai rutainina. Nikona God kurina wai i goyo saki.

²³Kega kesana sebare aba payapaya ina dauwei, ba ini pudapudai ba wasike kega sinina ina kaotaveyei aba payapaya sebarena ina dauwei. Niko wose kega e mamana ba kega nikasike ina tupuwa.

²⁴Nikosi wose kega kona wose. Canaan biyisi kosi wosesi si wosewose kairavia ana kwabina taveyisi.’”