Liwai damba nolau 18

1

3

13

17

18

19

20

24

¹Tane Iawe God Moses diene wanase,

²“E Israel apanawa mampo gagaloite waase, ‘Ne ipa Iawe e Godila.

³E mai Isibt apanawa dima dewasaia ruawa dewasana, dia. Mapo e bola sa bedewe wainilano ne banlaleno nolen. Do e mai Kanaan apanawa dima dewasaia ruawa dewasana, dia. Ne bola sa bedewe banlalepo odana baiwaitilana. E mai mo dewau ewane rua dewasana.

⁴Ne ipa Iawe e Godila, ne anaanana ruaitonune ita dima ne wadina ruawa dewamonuna.

⁵Tane e ne anaanana ita aiana enaledina ruaitonune dewasanuna mampe e inaida bedeweitana. Ne ipa Iawe God wadina.

⁶Ita e mai eba baida sosola do ninaitana, diaida. Ipawa ne ipa Iawe God aiana etane ruaitana.

¹⁹Ita do e mida nainailala manamanainala uaboa wadamodia walamawe mai do ituitana, dia.

²⁰E mai soa da tanawoa manainapa do ninaitana ne emanawo eba miramiraitaa sawa.

²¹E obanla mai otamone god lagawaa ebowa Molek pulontoia watawa osowe puloitane sumona, dia. Naita e epe dewasana God mampe mala ituna. Ne ipa Iawe e Godila.

²²Ita mai apana da mona sowa mona nata ninantopu i nata ninantoia rua, diaida. Sa ipa dewa kadiwaida ne emanawo.

²³Ita mai apana da mona pue iwoa do ninantopu, dia. Ita do mai i da pue mona do ninantopu, di diaida. Sa ipa dewa kadiwaida.

²⁴E mai dewa inainambu ema ruau dewamone miramiraitana, dia. Apana bola Kanaan bedewe wanwanlala dewa inainamba ema dewamoia mampe ne emanawo kadintone miramiraidanton. Sa baiwa ne mo tanamopo nomopue antopuo aupo e odane waina.’”