Lewitikusi 18

1

3

13

17

18

19

20

24

¹Guyau ya libalau Mose lisina iyen,

²Isalaela dodogadi u falibadi uwe, “Guyau, mate emi Yaubada.

³Isalaela dodogadi, beyabeyana ma afa haidamiu ami miyamiya Idipi yai na aho E lawemiu Kanana. Tabu emi laulau doha Idipi yo Kanana dodogadi.

⁴“Yau Guyau, emi Yaubada Au ataꞌatahi na egu laugagayo au lau watan komakomanidi.

⁵“Yau Guyau! Egu oibulu yo egu laugagayo au lau watanidi! Sai hige i awa abiyedi, ibege i mwahuli.

⁶“Yau Guyau! Tabu sai laꞌi efana hesa maꞌena ti luma gwaꞌu.” Guyau iyen,

¹⁹Yena waihin ena nawalahi asiyebona ya abi, tabu au luma gwaꞌui, paꞌana in ya bida.

²⁰Falem tau miya lahuna tabu u luma gwaꞌui. Haba ya fabidahem.

²¹Yau Guyau emi Yaubada! Tabu natumiu laꞌi au antalasamen Moleka lebena yai. Yena ami ginauli doha haba ami fataumayamayagu.

²²Tabu tatau luwaga ti luma gwaꞌu, doha taumoho maꞌena waihin sa luma gwaꞌu. Laulau ni Yaubada ya ꞌwaiyoꞌo.

²³“Tabu taumoho e waihin laꞌi maꞌena suisui ti luma gwaꞌu be i fabida fuyoi, mate hige i dudulai.

²⁴“Logena, laulaudi te, tabu laꞌi i fabidahemiu, paꞌana laulaudi te debadi yai, Kanana dodogadi safaluma haba E weꞌaidi matamiu yai, haꞌa sa fabidahedi.”