Isɑ̃ɑ̃ 21:5-12

⁵Kɛ̀ Yesu bɛ̀ bekɛ kɛ dɔ̀: Bɛdɑpɑ̀mbɛ̀, di pĩ nsiyĩĩɑ̀? Kɛ̀ bɛ̀ dɔ̀: Ɔ́ɔ̀, ti í pɛ̀tɛ́.

⁶Kòo bɛ̀ nɑ̀kɛ́ kɛ dɔ̀: Bɔnnɛ̀ mudìtìmù kubɑkù yoú bíɛ́kɛ́ di bo pɛ́tɛ́. Kɛ̀ bɛ̀ɛ bɔ nkɛ̀ siyĩĩ píɛ mmɛdiɛ̀, bɑ́ bɛ̀ í nnɑ kɛ mù dènnɛní.

⁷Kɛ̀ Yesu tɑncɔ́ùntì ò dɔ́ wèe nɑ́kɛ́ Piɛri kɛ dɔ̀: Ti Yiɛ̀ nwe. Kɛ̀ Simɔɔ Piɛrii tì kèè kɛ dɑ́ɑ́tí o yɑɑ̀bòrì kɛ yɛ̃́ ò do í dɑ́ɑ́tímɛ̀ mùmɑmù, kɛ́doroo mɛniɛ mmiɛkɛ kɛ́ndɛìtì.

⁸Kɛ̀ Yesu tɑncɔ́ùmbɛ̀ tɔbɛ̀ nkéríní nɛ̀ kudɑbɛkù kɛ yṹɔ̃́ muyĩndìtìmù kɛ̀ siyĩĩ pìɛ́kɛ́. Bɛ̀ do í dɛ́tirìnɛ̀ mɛniɛ nnùù, dɛ̀ do bo mmɔkɛ mɛ́tìrì tɛkɔ̀ùtɛ̀ (100).

⁹Kɛ̀ bɛ̀ɛ yɛ̀nní kɛ́yɑ̀ muhɑ̃ɑ̃́, nkɛ̀ siyĩĩ ɑ̃ṹ mu ĩ́nkɛ̀ nɛ̀ pɛ̃́ɛ̃̀.

¹⁰Kɛ̀ Yesu bɛ̀ nɑ̀kɛ́ kɛ dɔ̀: Dɛitɛnɛ̀ní siyĩĩ di pĩ nsì.

¹¹Kɛ̀ Simɔɔ Piɛrii tɑ kudɑbɛkù kɛ́cṹũnní muyĩndìtìmù kɛ̀ siyĩĩ diɛsì pìɛ́kɛ́, kɛ bo tɛkɔ̀ùtɛ̀ nɛ̀ sipísìnùmmù nɛ̀ sìtɑ̃ɑ̃ti (153), nɛ̀ mɛmmɛ muyĩndìtìmù í nkɛ̃tɛ́.

¹²Kɛ̀ Yesu bɛ̀ nɑ̀kɛ́ kɛ dɔ̀: Kɔtɛnɛ̀ní kɛ́di. Ò tɑncɔ́ùmbɛ̀ kóò mɔù mɛ nyí ndɑ̀ɑ́tí kóò bekɛ ò tú wè, bɛ̀ do bɑntɛ́mu bɛ Yiɛ̀ nwemɛ̀.