San Juan 21:5-12

⁵Nach Jesúsen' gože' ḻegaque': ―Beṉe' migw c̱hia' ¿nono beḻ chdoḻe'le? Na' gose'ene': ―Nono chdoḻe'to'.

⁶Nach gože' ḻegaque': ―Ḻe gwzaḻa' yix̱jw beḻ c̱helen' cuit barcon' ḻichale na' senḻba'. Nach bosozaḻa' yix̱jw beḻ c̱hegaquen', na' tantw be zan besedoḻa', bi gosezoede' yosyocuen' ḻo' barcon'.

⁷Nach ben' chaquechgüe Jesúsen' le', gože' Pedron': ―X̱ancho nan'. Na' cate' gože' Simón Pedron' X̱ancho nan', ḻa' beyacwte Pedroa' xaḻanen', ḻe gague bi nyaze' cha'len' chone' žinṉa', na' ḻa' bxite'te' ḻo' nisen' cont byob bežine' gan' zoa Jesúsen'.

⁸Na' yezica'chle beṉe' ca' zja'aclene' barcw daon' zjanxobe' yix̱jw gan' že' beḻ ya'a ca'. Bi naquen zito' cho'a nisdaon', ca do yeto gayoa metrze.

⁹Na' cate' besyežine' cho'a nisdaon' besele'ede' chi' yi' ya'alj na' xoa beḻ ya'a lagüenṉa' na' len yetextil.

¹⁰Na' Jesúsen' gože' ḻegaque': ―Ḻe yeyox̱e' ngale to c̱hope beḻ ya'a ca' za' gwxenḻe.

¹¹Na' Simón Pedron' gwyeje' jaxi'e yix̱jw beḻen' gan' chi' barcon' na' bexoben' ga nac yo biž. Žen' to gayoa ši'iṉeyon beḻ xen, perw bi bcheza' yix̱jon' ḻa'czḻa' be zan gwže' ḻo'enṉa'.

¹²Na' Jesúsen' gože' ḻegaque': ―Ḻe da gagwle xsil. Na' ṉe toe' bi besyeyaxjde' ye'ene': “¿No le'?”, ḻe ba gosacbe'ede' naque' X̱anchon'.