Génesis 10

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

37

38

39

40

41

42

43

44

45

46

47

48

49

50

¹Noé-masmala, wemalad: Sem, Cam, Jafet. Wemarde muusaila-mulusad-sorba, na mimmigan nikusmalad. Noé-masmala-e-wagan ambikusmalad, wemalad:

²Jafet-masmala, wemalad: Gomer, Magog, Madai, Javán, Tubal, Mesec, degi, Tiras.

³Gomer-masmaladi, wemalad: Askenaz, Rifat, Togarma.

⁴Javán-masmaladi, wemalad: Elisa, Tarsis, Quitim, degi, Dodanim.

⁵Wemar, Jafet-wagan gumalad. Wemar, demar-gakaba ambikusmalad. Gaya emar-emarbi sunmakmalad. Degine, na e-dadgan-e-dadganba, dulemar na emar-emar ambikusmalad.

⁶Cam-masmala, wemalad: Cus, Mizraim, Fut, degi, Canaán.

⁷Cus-masmaladi, wemalad: Seba, Havila, Sabta, Raama, degi, Sabteca. Raama-masmaladi, wemalad: Seba, Dedán.

⁸Cus, Nimrod-e-babad. Nimrod-insega we-napneggi nuga-nikad gusad, dule-dutusulid gusad.

⁹Nimrod, Bab-Jehová-nabir-egi-binsasadba sapurba ibmar-maked-dule gusad. A-ulale, weyob-sogleged: “Dule-Nimrodʼyob ibmar-maked-duleye.”

¹⁰Nimrod, we-neggweburmargi negsemai gusad: Babelʼgi, Erecʼgi, Acadʼgi, degi, Calneʼgi. We-neggweburmar, Sinar-yargi bukwagusad.

¹¹Geb Nimrod Sinar-yargi-nodegusgu, Asiria-yarse nadegusad. Agi, we-neggweburmar urbidapid: Nínive, Rehobot, Cala, degi, Resén.

¹²Resén-neggwebur-dummad, Nínive, Cala-ebo-abingunaid-abargi siid.

¹³Mizraim-wagan, wemalad: Ludim, Anamim, Lehabim, Naftuhim,

¹⁴Patrusim, Casluhim, degi, Caftorim. Casluhim-dulegi Filistea-dulemar danikid.

¹⁵Canaánʼdi, Sidón-e-babad. Sidónʼde, Canaán-machi-sailaginedid, geb degine, Hetʼye-nugad, baksabalid.

¹⁶Canaán-wagan, wemalad: Jebuseo-dulemar, Amorreo-dulemar, Gergeseo-dulemar,

¹⁷Heveo-dulemar, Araceo-dulemar, Sineo-dulemar,

¹⁸Arvadeo-dulemar, Zemareo-dulemar, Hamateo-dulemar. Geb sorbali, Canaán-dulemar na e-dadgan-e-dadganba aisakidmalad.

¹⁹Canaán-dulemar e-yar-gasadi, wemalad: Sidón-neggweburgi onoded, Gerar-yalasik, Gaza-neggweburse warmaksad. We-yar-e-neggweburmarde, wemalad: Sodoma, Gomorra, Adma, degine, Zeboimʼsik, Lasa-neggweburse.

²⁰Wemar, Cam-e-wagan gumalad. E-dadgan-e-dadganba, degine, gaya emar-emarbi-sunmake ambikusmalad. Yar-egad-egad, degine, dulemar emar-emarbi ambikusmalad.

²¹Deginbali, Jafet-e-ia-Sem, machimala-nikusmogad. Heber-masmala, bela Sem-wagan gumalad.

²²Sem-masmala, wemalad: Elam, Asur, Arfaxad, Lud, degi, Aram.

²³Aram-masmaladi, wemalad: Uz, Hul, Geter, Mas.

²⁴Arfaxad, Sala-e-babad. Salaʼdi, Heber-e-babad.

²⁵Heber machimala-warbo nikusmogad: Machi-sailagined Pelegʼye nugad. Ar ade, a-ibagangi dulemar aisakided. Peleg-e-urba, Joctánʼye nugad.

²⁶Joctán-masmala, wemalad: Almodad, Selef, Hazarmavet, Jera,

²⁷Adoram, Uzal, Dicla,

²⁸Obal, Abimael, Seba,

²⁹Ofir, Havila, degi, Jobab. Wemar belagwapa, Joctán-machimala gued.

³⁰Wemar Sefar-yalagansik, Mesa-nadedgi, bukwagusmalad. We-yalagande dad-nakwedsik naid.

³¹Wemar Sem-e-wagan gumalad. E-dadgan-e-dadganba, degine, gaya emar-emarbi-sunmake ambikusmalad. Yar-egad-egad, degine, dulemar emar-emarbi ambikusmalad.

³²Wemar, Noé-machimala, e-gwenadgan-e-gwenadganba ambikusmalad. Na e-wagan-e-wagan yar gasmalad. Wemar muusaila-mulusad-sorba, bela we-napneggi-aisakis ambikusmalad.