Génesis 16

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

37

38

39

40

41

42

43

44

45

46

47

48

49

50

¹Sarai e-sui-Abramʼga geg mimmi bake gusad. Saraiʼde e-mai-Egiptoʼgined nikad, Agarʼye nugad.

²Geb Sarai, Abramʼga sogded: —Bab-Jehová geg goe-bake an-imaksad. Degisoggu, an bese wilesakwaa egissundo, bunagwa an-maiga-gudiidse be gole. Abakale a-omebali, an mimmi nikualile. Abram Sarai-ega-soged nabir itosad.

³Deunni, Abram birgambegus (10) Canaán-yargi maid. Geb a-ibagangine, Sarai bunagwa-Egiptoʼgined-Agarʼye-nugad, Abramʼga urmaksad, ese golegar.

⁴Abram Agarʼse-gochagu, Agar gurgin-nika gunonikid. Agar gurgin-nikagudi-itoargu, e-dummad-Sarai-ibgwensur dakded.

⁵Geb degine, Sarai Abramʼga sogded: —¡Be-ular, emide, Agar ibgwensur an-dakalid! An-sunnad an bega Agar-urmaksad, ese be golegar. Ar emide, mimmi-nikuo-itogedba, anba bur dummarba san-imaked. Emigindi, Bab-Jehová sogoed, wede doagi ataklegoe: Begine, igi angine.

⁶Geb degine, Abram Sarai-abin sogded: —Be-itoleged, be-mai begi siid. Ar igi be Agar imakbie, be imakodo. Geb degine, Sarai sabsur Agar-imakalid. Degisoggu, a-ular, Agar wakitesunnad.

⁷Ar Bab-Jehová-e-baliwitur nega-dulesulidganba, Shur-igar-maidsik dii-saila-siidgi Agar-abingualid.

⁸Bab-e-baliwitur Agarʼse egichialid: —Sarai-e-mai-Agar, ¿bia be daniki? ¿Bia be nae? Agar abin-sogded: —An-dummad-Sarai-idu an wakinmai.

⁹Geb degine, Bab-Jehová-baliwitur ega sogded: —Be-dummadse gannar be nae. Ar igi bega sogdagoe, bela aba be ibmar imako.

¹⁰Aginbali, Bab-Jehová-baliwitur Agarʼga sogdebalid: “Be-wagan bela-bela an omelogoed. Degisoggu, geg dule ebise guoed.”

¹¹Bab-Jehová-baliwitur sogdebalid: “Be bonigwar-gudiidi, susugwa be nikuoed. Bab-Jehová be-wilediid itossoggu, we-machigwa Ismaelʼye be onugsaoed.

¹²We-machigwade yaisurdae guoed, moli-uayasuid-sapurbalidyob guoed. We-machi dulemar-baiganbo bela urwoed, degi, bela-dulemar-baigan ebo urwemarmogoed. Degine, e-gwenadgangi gwisgubalo-inigwele, e-gwenadgan-abargi-mai guoed.”

¹³Ar Agarʼde Bab-Jehová-ebo sunmaksasoggu, Bab-Dummad an-dakmaidye neg onugsasad. Ar ade soged, Bab-Dummad-an-daksaye. Degite, amba an dula-gudiiye.

¹⁴A-ulale, dia nugad, Dia-Dule-Dulad-An-Dakmaidye. We-diadega Cades, degi, Bered-ebo-abingunaid-abargi siid.

¹⁵Geb degine, omegwa-Agar, Abramʼga machigwa baknonikid. Geb Abram, a-machigwa Ismaelʼye onug-imaksad.

¹⁶Ismael gwalulenonigua, deunni, Abram birga-dulabake-gakanergwa (86) nikad.