Exodus 14

1

2

3

11

12

13

14

15

16

17

18

19

20

21

22

23

24

25

28

31

32

34

40

⁵Maranai riwa i ḡeta Pharaoh awarina, da mai Israel i ruba. Pharaoh ana gabegabemani maiteni ai nota i virai ma i riwa, “Tauta aiwai ta kauei? Ma ata taunola ta voterei da i nepai!”

⁶Anina ma Pharaoh ana chariot i vokaukauei, ma ana sorodia i vaia ma i nae.

⁷Ana sorodia anatapui 600 vinevinei ai au chariot i geru, ma chariot ḡelaui au Egypt maiteni i nae.

⁸Bada, i kauei da Pharaoh, Egypt ai gulau nuanuana i vopotai ma mai Israel i viaḡaḡana-taḡoei, Mai Israel ana tepatorai i nenae.

⁹Mai Egypt ana sorodia i viaḡaḡa, Pharaoh ana horse ma chariot anatapui ma horse babadai ma ana sorodia anatapui, maiteni i viaḡaḡa da au gera i mamaelana, i votani dobu Pi-Hahiroth, Baal-Sephon au baba ḡelauna.

¹⁰Maranai Pharaoh i tuturiai, mai Israel i taepai da i ʼnanai ma i rovo kaukaua da orai i sisi, ma Bada awarina i garara agu aubaina.

¹¹Ma mai Israel Moses awarina amloi i ḡaiḡai i pa, “Au Egypt eḡa kokoaga da u taravaina-opunelai da weka au mutulua ana iraḡe bo? Aiwai u kauei awariai?

¹²Tauai au Egypt a riwem, ‘Ma voterelai ma ana mae ma Egypt ai taunola!’ I ai kaua da tauai ata mae Egypt ai panipani, ma eḡa au mutulua ata iraḡe.”

¹³Moses ana rava i paribelei, “Eḡa ona rovo! Ona mairi jijina ma ona inana menanarena Bada ina vilawanimi amadodo. Mai Egypt amadodo o inainanai eḡa melanai ona inana-melei.

¹⁴Bada aubaimi ina viḡavia. Taumi ona mae-genuatau.”

¹⁵Ma Bada, Moses i riwei, “Aiwai aubaina awariu agu e toutouei? Mai Israel ma riwei da ina vidagu.

¹⁶Am jiḡona ma voepai da ma viloloi boga au tepana ma boga ina vilamonei, ma mai Israel boga au pouna doa au alalana ina babara damana.

¹⁷Tam ma raubiga, Tau mai Egypt a vitepatorai da mai Israel ina viaḡaḡei. Maranai Pharaoh ana vovaiubai, ana sorodia, chariot ma ana horse sorodiai, rava Tau ina voepaepaiu.

¹⁸Tau Pharaoh ana vovaiubai, ana chariot ma ana horse sorodiai da mai Egypt ina vivivireu ma ina aramanei da Tau Bada.”

¹⁹Anina ma God ana anela, mai Israel ai eta tauravenia i nae ma mai Israel au muri i mairi. Ma apau maimairina au naoi i nei ma taui au muri i mairi.

²⁰Apau mai Israel ma mai Egypt au poui i mairi, ma maranai au i pom, apau lalalaina mai Israel i verei ma mai Egypt au waguwaguvareina i mae. Ma lamna aubaina mai Israel ma mai Egypt ai au gabu i mae-genuatau.

²¹Moses ana jiḡona i viloloi boga au tepana ma Bada kariwabu ḡaeḡaena i paritawanei, ma boga i vilamonei, kariwabu i ruba da mara i tom da doa boga au pouna i alala.

²²Ma mai Israel boga i damani doa au alalana, Ma boga olana i mairi au oiei ma au kelakelaui.

²³Anina ma mai Egypt, Pharaoh ana horse ḡelaui, chariot ma taurubeina mai Israel i votaḡoi da au boga i rui, mai Israel au murii.

²⁴Ubaubanai boiboḡi Bada apau maimairina ma ai tuatuana araratana au orana ma i ʼnana ḡaira ma mai Egypt i viaiḡoaḡoai.

²⁵Ma chariot ana aniruba i viapoapoeni da ruba i kauana-avei. Ma mai Egypt i riwa, “Bada mai Israel e vovoagui, ma e viviviḡavieta, lamna aubaina tana ruba-tawanei!”

²⁶Ma Bada Moses i riwei, “Am jiḡona ma viloloi boga au tepana da boga ina nememei, mai Egypt au chariot ma sorodia horse au tepana anatapui ina puru-pai.”

²⁷Madeḡa i ḡoḡoḡo ma Moses urana i viloloi boga au tepana, ma laḡilaḡina boga i naeme ana au gabu. Mai Egypt ita ruba wate Bada taui au boga i viorereni.

²⁸Boga i naeme ana au gabu ma mai Egypt sorodia anatapuina i ruirui au boga i monu. Eḡa aiai tagogi ita lawana.

³¹Maranai mai Israel i ʼnanai da Bada wei kauana vivirewapanana i kauei mai Egypt awarii, taui Bada i vivirana-kauei ma i vitumaḡanei ana taunola Moses maiteni.