Exodus 40

1

2

3

11

12

13

14

15

16

17

18

19

20

21

22

23

24

25

28

31

32

34

40

¹Ma Bada Moses i riwei,

²“Au Numa Gara Vivivireina ma vimairini aupom tagogi, madeḡa au vouna.

³Tarawatu 10, Parivainuaḡana bokisina au orana ma poai, ma au naona anitereḡaḡara ma teretaḡonei da numa garana ina babalaraḡi.

⁴Teibol ma ruiei ma au tepana aiwai i kaukauei aubaina ma terei. Ma rampa anivojijinana ma ruiei, ma rampa ma terei

⁵Ma incense aniapuna goldei ma terei bokisi au naona ma anitereḡaḡara ḡelauna ma terei da Bada ana numa gara vivivireina ina gudui.

⁶Numa gara au metaetana, au doa, pulo aniapuna ma terei.

⁷Anirauoḡa numa gara ma pulo aniapuna au poui ma terei ma waira ma vioai.

⁸Numa gara ma pulo aniapuna anitereḡaḡara ma tere-kwaviviroi da dobuna ma gari. Ma au anirui anitereḡaḡara ma vidawei.

⁹—Ma oil viaiainana ma vaia ma numa gara ma purapura anatapui au orana ma buloi ma ma vovivirei da vivivireina.

¹⁰Ma pulo aniapuna ma ana purapura maiteni ma buloi ma ma vovivirei da vivivireina.

¹¹Anioḡa abomana ma ana animairi maiteni ma buloi ma ma vovivirei da vivivirei.

¹²—Aaron natunatuna ma neiai numa gara vivivireina au metaetana ma wairei ma oḡai.

¹³Ma Aaron pirisi ana gara vivivireina ma vioteni ma oilei ma vovivirei da aubaiu ina vipirisi pulo tauapuina.

¹⁴Ma natunatuna ma neiai ma pirisi pulo tauapuina ai gara ma vioteni.

¹⁵Ma ma buloi me amai u buloi nanare da ina vipirisi pulo tauapuina. Wei viaiainana Aaron ana epaepaia i vovivirei da mara nonoa kimtana patapatana awari ina vipirisi pulo tauapuina.

¹⁶Moses anatapuna i kauana-paiei me Bada i ririwa nanare.

¹⁷—Anina ma madeḡa au viruaina au pom tagogi nawaravi tagogi, taui numa gara vivivireina i vimairini.

¹⁸Moses dogo i ḡarai ma tuatua i tonei ma terewaba ma anitapejijinana i ragini.

¹⁹Ma gara ḡamoḡamo opinei i ḡauḡauri au tepana i ebani, Bada i ririwei nanare.”

²⁰Anina ma Moses ḡaima dabadabai ruaḡa bokisi au orana i terei. Ma anipawe loji au orana i vionaḡi bokisi au adana, ma uḡuna i viaitani.

²¹Ma bokisi i ruiei God ana au numa gara vivivireina ma anitereḡaḡara i terei da bokisi i mae-ḡaḡari, Bada i ririwei nanare.

²²Ma nanare teibol i ruiei God ana au numa gara, anitereḡaḡara i mae ma au doei, au laubadei i terei

²³ma teibol au tepana palawa i pulopuloei Bada awarina i terei, Bada i ririwei nanare.

²⁴Rampa aniterenana i vaia ma au numa gara teibol au naona, au babaḡela au rauanaḡei i vikialai.

²⁵Ma rampa i apui Bada awarina, me i ririwei nanare.

²⁶Incense aniapuna goldei anitereḡaḡara au naona i terei numa gara vivivireina au orana.

²⁷Anina ma au tepana incense ḡabuḡabui i apui, Bada i ririwei nanare.

²⁸Ma anitereḡaḡara i terei da aninae au numa gara vivireina i gudui.

²⁹Pulo aniapuna Bada ana numa gara vivivireina au metaetana. Au tepana ḡamoḡamo ma palawa i apui me Bada i ririwei nanare.

³⁰Ma aboma ḡaeḡaena numa gara ma pulo aniapuna au poui i terei, ma au orana waira i waḡi anioḡa aubaina,

³¹ma kampa Moses ma Aaron ma natunatuna urai ma aei i oḡai.

³²Taui aei ma urai e oḡaoḡai maranai e ruirui au numa gara bo e nenae pulo au aniapuna.

³³Ma Moses Numa gara ma Pulo aniapuna i gari-kwaviviroi. Ma anitereḡaḡara i terei au anirui. Anina ma Moses ana nola i kwa.

³⁴Ma apau Bada ana Numa Gara Vivivireina i purui ma ana boruma numana i vioai.

³⁵Apau numa gara vivivireina au tepana i kiala ma Bada ana boruma numana i vioai ma lamna aubaina Moses eḡa tagotagogina da ita rui.

³⁶Ma apau i vovoepa lamna maranai mai Israel ina vaḡai au dobuḡela.

³⁷Ma mepa da apau eḡa ita voepa lana taui eḡa ina nae.

³⁸Maranai mai Israel e vaḡavaḡai, Bada ana animae apau au orana numa gara vivivireina au tepana ma waguvarai tauna ai apau au orana e ararata.