Exodus 20

1

2

3

11

12

13

14

15

16

17

18

19

20

21

22

23

24

25

28

31

32

34

40

¹Ma God i babani ma wei riwai i latoni,

²Tau Bada ami God, panipaniei au Egypt a taravaina-opunemi.

³Taumi eḡa god ḡelaui ona raudunelei, Tau ainelau ona rauduneleu.

⁴Taumi eḡa aiwai au mara bo au dobu bo boga au orana dobu au gabaurina kokoitaui ona kauei da ona raudunelei.

⁵Taumi eḡa kokoitaui ona raudunelei bo ona viborumei, aubaina Tau Bada ami God ununurana. Ma taui i gedugeduaieu ana kovoḡi da kimta au vi-4-na.

⁶Wate taui aiavoi nuanuau e vaivaini ma au tarawatu e vovojijini au nuavaina maemae-nonoana ana verei da kimta tausan nanare.

⁷Taumi eḡa Bada ami God wavana ona vinamei. Aiai da Bada wavana e vivinamei ina kovoḡi.

⁸Sabate eḡa nuanuami ina vuru ma ona notanotai ma ona vovivirei tau awariu.

⁹Aupom 6 ami nola ona kauei.

¹⁰Wate au pom vi-7-na lamna Sabate, lauvitau marana, i vovivirei Bada ami God aubaina. Wei au marana eḡa aiai ina nola: eḡa tam, natum orotona bo wavinena, am taunola orotona ma wavinena, bo am ḡamoḡamo, ma dobuḡela ravai awarim e mamae.

¹¹Aubaina au pom six au orana Bada mara ma dobu i kauei; boga ma anatapui au orana. Wate i vilauvitau au pom au vi-7-na. Lamna aubaina Bada Sabate i viaiaini ma i vovivirei.

¹²Amam ma alom ma vivirei, da am lawana ina manawa au dobu, Bada am God e vereverem.

¹³Eḡa ma viraḡena.

¹⁴Eḡa ravaḡela awana ma viawawanei.

¹⁵Eḡa ma danene.

¹⁶Eḡa ma viwavu-moru

¹⁷Eḡa ravaḡela ana numa ma vikwinei. Eḡa ravaḡela awana ma vikwinei, bo ana taunola orotona bo wavinena, ana bulumakau, ana donki, bo aiwai ḡelaui ḡarinei.