Exodus 31

1

2

3

11

12

13

14

15

16

17

18

19

20

21

22

23

24

25

28

31

32

34

40

¹Ma Bada Moses i riwei,

²“Ma inana, Tau Besalel, Judah ana damei a vinei, tauna Uri natuna, ma Hur ḡoḡana,

³ma Aruau Vivivireina a verei. Ma nuaulaulaula ma nota ma aramana a verei da rau-ḡaroḡaro anatapui awari tauna tagotagogina.

⁴Tauna taurauḡaroḡaro amai, Gold, Silver ma Bronze taunoleina aiaina.

⁵Tauna i ai kaua ḡaima e boribori ma e laḡalaḡai, ma amtai awarina. Tauna rau-ḡaroḡaro anatapuna awarina tagotagogina.

⁶Ma nanare Oholiab a vinei, tauna Ahisamak natuna, Dan ana au dam da ana tauagu. Ma nanare taurauḡaroḡaro nuaulaula ma aramana a verei da aiwai anatapuna a ririwem ina kauei.

⁷Numagara Vivivireina ma parivainuaḡana bokisi ma uḡu ma numagara ana purapura:

⁸kepakepa ma ana purapura; rampa gold aiainei ma purapura ḡelaui ma incense aniapunana.

⁹Pulo aniapuna ḡamoḡamo taputapuna apuna aubaina.

¹⁰Ma gara vinualaulaunai ina popoi, gara vivireina ina popoi Pirisi Ḡeḡetelarana Aaron aubaina ma natunatuna pirisi nolana aubaina aubaii,

¹¹monamona viaiaina aubaina ma incense Bada ana numa aubaina. Taurauḡaroḡaro wei purapurai ina rauḡaroḡaroei me a ririwei nanare.”