Ekisodas 1

1

2

3

11

12

13

14

15

16

17

18

19

20

21

22

23

24

25

28

31

32

34

40

¹Iakob ita obampa, mo manamanainapu ita obampu do Isibtiwa iane antoiena. Mo ebou ipa:

²Ruben, Simion, Liwai, Iuda,

³Isaka, Sebulun, Beniamin,

⁴Dan, Napitali, Gad ita Asea.

⁵Tane Iosep ipa Isibt bedewe wandie. Ita Iakob obampa ita atatawa do wisiau uduudu ipa 70 waden.

⁶Tane Iosep ita tatatawa, ita mo mida walama sawo waimoia uduudu bontonatuwaiena.

⁷Tane me damba Israel apanawa otootontone uarantone baiwa Isibt bolawa uduudu nopesaiena.

⁸Ena uaraia diantono aupe warere sanaa Isibt tawowa atoweleno oniedie. Warere sa Iosep ita do me nolawa Isibt bedewe dewamona mai atemba, dia.

⁹Tauma me apanawa diamone wanase, “Asisuneana: Israel apanawa uarantone mukawauida seganton, mai no ruamba.

¹⁰Naita emalawoamba apanawa onamba enompo, Israel apanawa mo do awodea onamba enapue kadineputue epue antoputuwapi. Sa baiwa no gagalontate mo uarantoia intawa enatabodata.”

¹¹Sa baiwa Isibtiwa Israel apanawa dewamoieno badowa nolantoiena. Mo oniamompe atouwomompo nolantompa apanawa seganton. Ita mo Israelwa diamoieno bola nata debamau, Pitom ita Ramsis wadamoiena. Sape warere nana ita nitu isiwa do adibalempaa baiwa.

¹²Isibt apanawa sai debama mo osouwo ituio badowaida mo baibu nolantoie. Tane Israelwa bola sa bedewe uarantone daberarantone bola uduudu wadeiena baiwa mo nuau salen.

¹³Sa baiwa mo awasinamoie nola badowa wanamoio ita nolantoie poka eteie. Ita mo badowa poka wanamoio biriki dewamoie do paka gadantoie biriki wadadosampa baiwa. Tane do mo diamoio iraibu bedewe nolantoie. Isibt apanawa poka debamaia mo osouwo itune dewamoio badowa nolantoie, mai nuapareuntope emopona, dia.

²²Tane warere aiawa badowa mampe apanawa diamone wanase, “Ibru apanawa obampu mona gamomoia otamone esa Nael bedewe aubamonuna. Tane obampu iwoa muntompa ewamonune emonuna.”