Agoago Podo 3:23-33

²³Goe e mee di haele haga humalia i doo ala, hagalee hinga.

²⁴Goe hagalee madagu i hee e kii iei goe, gei goe gaa kii danu mmoe i di boo dogomaalia.

²⁵Goe hagalee mamaanadu e logo i nia haingadaa llauehe ala e gila aga i di ingoo hua di madagoaa, gadoo be di madangi gono e tale gi digau huaidu.

²⁶Dimaadua ga madamada humalia i di goe. Mee hagalee hai goe gii doo gi lodo di hele.

²⁷Hagamaamaa ina digau ala e humalia e hagamaamaa i di ingoo hua di madagoaa.

²⁸Maa goe e mee di hagamaamaa dolomeenei, hudee helekai gi digau ala e noho i doo baahi bolo gi taalia maalia gi daiaa.

²⁹Hudee hai bilaan haga manawa gee ang gi digau ala e noho hoohoo adu. Digaula le e noho i doo baahi, e hagadagadagagee adu gi di goe.

³⁰Hudee lagamaaloo balumee maa digaula digi hai hala adu gi di goe.

³¹Hudee manawa dubua i digau hagamuamua, ge hudee manawa hiihai e hai nia mee ala e hai go digaula.

³²Idimaa Dimaadua e de hiihai gi nia daangada ala e haihai di huaidu, gei Mee e haga modongoohia ana haga maanadu ang gi digau ala e hai hegau donu.

³³Dimaadua e hagahuaidu nia hale o digau haihai di huaidu, gei Mee e hagahumalia nia hale o digau ala e hai hegau donu.