Malasu 3:23-33

²³Amasea, di da logoga ahoasea, di da hame dafamu.

²⁴Di da hamedafa beda:mu, golasea. Amola di da hahawane mae nedigili golamu, gasi ganodini.

²⁵Amola di da adi hou doaga:mu amoga di da hame beda:mu. Amola amo hou da fo mabe agoai gala wadela:i hamosu dunuma doaga:sa, be di da hame beda:mu.

²⁶Hina Gode Ea da di gaga:mu. Amola Hi fawane da di sani ganodini mae sa:ima:ne hamomu.

²⁷Dia da fidimu logo ba:sea, eno dunuma hou ida:iwane hamoma amola fidima.

²⁸Dia na:iyado amo ea fidima:ne sia:sea, amola asa o aiya amane mae sia:ma. Be e hedolowane waha fidima.

²⁹Dia na:iyado amo da:i dioma:ne mae sia:ma. Amola e da dia fi gadenene esala e da dima dafawaneyale dawa:sa.

³⁰Eno dunuma di udigili mae sia:ga gegema. Amola bai hame galea, di mae sia:ga gegema.

³¹Amola di da gegebe dunu ilima di mae mudama. Amola, ea hamobe amane mae hamoma.

³²Amola amai dunu ilima Hina Gode E da hahawane dogolegele hame ba:sa amola e da ilima bagadewane higasa. Be Hina Gode E da dunu nowa e da moloi hou hamosea, E da ilima Ea ilegesu olelesa.

³³Hina Gode da wadela:i hou hamosu dunu ea sosogo ilima gagabusu iaha. Be nowa dunu da moloi hou hamosea, E da amo ea sosogo hahawane dogolegele fidisa.