YOHANA. 10:17-21

¹⁷“Tata kaninogela nie kwavija noulava ugima wangu, giladi niubokele kabili.

¹⁸Haduhu munhu yonisegezela ugima wangu. Noulava nene mwenyego. Nodaha kuulava na nodaha kuubweza kabili. Vino vivo Tataangu vayanilagize nitende.”

¹⁹Wayahudi wakiigola kabili sama ya mbuli zino.

²⁰Wayahudi bwando walonga, “Kana kinyamkela, na kana luwege! Habali mumtegeleza?”

²¹Ila wayagwe walonga, “Munhu yali na kinyamkela hadaha kulonga kamba vino! Kodahaze kinyamkela kuwatenda wanhu vimbugumbugu walole?”