17’Yaarã õãrõ ããrĩburire boabosagʉkoa. Yʉ okarire maĩbi ããrĩsĩã, irasirigʉkoa masã, dupaturi okabu. Yʉ irasiribu ããrĩmakʉ̃, Yʉpʉ yʉre maĩmi.
18Yʉ gããmebirimakʉ̃, neõ sugʉ yʉre boamakʉ̃ irimasĩbiribukumi. Yʉ gããmerõ merã boagʉkoa. Yʉ turaro merã yʉ gããmerĩrẽ irimasĩgʉ̃ ããrĩsĩã, yʉ gããmerõ merã boa, pʉrʉ masãgʉkoa. Yʉpʉ yʉre irireta iridoremi, ãrĩmi Jesús.
19Ĩgʉ̃ irasũ ãrĩmakʉ̃ pérã, judío masaka dupaturi surosũ ĩgʉ̃rẽ gũñabirisĩã, dʉkawarima.
20Gajirã wárã ĩgʉ̃sã merãmarãrẽ ĩgʉ̃yamarẽ ãrĩma: —Ĩgʉ̃ wãtĩ ñajãsũdi, niãsũgʉ̃ yámi. ¿Nasirirã ĩgʉ̃rẽ péri mʉsã?
21Gajirã gapʉ ãrĩma: —Wãtĩ ñajãsũdi, ĩgʉ̃ irirosũ õãrõ wereníbiribukumi. Koye ĩãmasĩbidere ĩãmakʉ̃ irimasĩbiribukumi, ãrĩma.