San Juan 10:17-21

¹⁷'Yika Notajtsi nechtlasojtla, porke nonewia niktemaka noyolilis, para ijkó satepa oksepa nimoyolitis.

¹⁸Amaka weletis nechkixtilis noyolilis, yej Ne nonewia niktemaka. Ne weletis niktemakas noyolilis, iwa oksepa nikselis. Ye ni tlan onechnawati Notajtsi.

¹⁹Ijkuak n tlayakankeh judíojteh okikakeh nin tlájtoli, oksepa omoxexelojkeh.

²⁰Sikimeh okijtoayah: —Nin tlakatl kipia se demonio iwa yokuatlapolo. ¿Tleka nonkikakih?

²¹Pero oksikimeh okijtoayah: —Akin kipia se demonio mach ijkó tlajtoa. Se tlakatl non kipia se demonio mach weletis kintlapolis ixtololowah non amo tlachiah.