Yoane 10:17-21

¹⁷Na gagane hatacmac banogale ailu hegilegabac. Ilec ailu Mamacti nale angac ngagedaicte.

¹⁸Monicti nale gaga nalic mi baickedaicte, naneuctihac gagane hegiledacte. Aime gagane hegilelu hatacmac badacte, yogolec bole-yowa tapiliineholec na neicna fagac. Yogo Mamacnedi inguc aibele ung-yowa edocnuwec.”

¹⁹Yowa yogolec ailu Yuda ngic-ngigac yenge hatacmac siyeckeibong.

²⁰Siyeckelu ngic-ngigac bocyac yengi yanguc miibong, “Ye alengkolec gagacte kweleine sifuwegac. Ngenge omale yele yowale hedec logaing?”

²¹Aime ngic-ngigac gocne yengi yanguc miibong, “Yowa ingucne ngic alengkolec yengele yowa miyac. Ngic alengkolecti ngic donge-pisic dongengineng nalic bame madickedaingte, me? Yogo miyac.”