Jon 10:17-21

¹⁷Na gaklena aunaka una na togoyeke, na wor gun puno mal ge pille, Nena na wopake kando.

¹⁸Una na togopon dje yene ge, yenekne nomane paro mal pille na natane. Nanam gaklena aunaka tane. Alla na gaklena i gun worno ge, na nanam yeno. Na embe yeno ge, na Nena kandja dji mal pille yeno.

¹⁹Jisas kandja embe djika, Juda una nomane djelldjell yei.

²⁰Una pende embe dji, une kum pai, nomane ke yei. Ye namba yei pille, kandja dji al pille mor ne? dji.

²¹Ba una pende embe dji, ge man. Kum una kandja djinj mal ge, une kandja embe nadjindo. Kum una po una nalene emill yei mor ge, amblo au dje aune kune nayendo we dji.