San Juan 10:17-21

¹⁷Hnääꜗ Tääˋ jnäꜘ, kihꜗ heˉ kwa̱a̱nꜚ hñiinꜙ ju̱u̱nꜘ. Hiꜙ maˉngëëꜘ maˉju̱u̱nꜙ läꜙji̱i̱hnˊ kaˉlähꜘ.

¹⁸Niꜙ ja̱a̱ˉ saꜙ jngëëhꜗ jnäꜘ, taꜙ laˊ jngëëyhˈ jnäꜘ läꜙnaˉ. Heˉ kwa̱a̱nꜚ hñiinꜙ baˊ ja̱ˉ heˉ jngëëyhꜗ jnäꜘ. Naˉngënˈ jwëˈ kwa̱a̱nꜚ hñiinꜙ hiꜙ läꜙja̱ˉ naˉngënˈ jwëˈ läꜙji̱i̱hnˊ kaˉlähꜘ. Heˉ laˉ ja̱ˉ madaꜚ heˉ gaꜙhyohnꜗ kihꜗ Tääˋ kya̱a̱nꜙ.

¹⁹Ko̱o̱ˉ kaˉlähꜘ saꜙ gaꜙhɨɨꜘ kweeˉ juuˈ kihꜗ dsaˉ fariseo kya̱a̱hˊ juuˈ heˉ maˉhlëëhꜘ Jesús ja̱ˉ.

²⁰Jwë̱ë̱ꜘ dsaˉ heꜘ maˊ jähꜘ: —Kye̱yˉ jmɨˉlleꜘ hlɨɨhˈ, dsaˉ ngaahˊ baˊ naˉ. ¿Heˉlaˈ nuuhˉ hnähꜘ kiyhꜗ?

²¹Pero jñahꜘ maˊ jähꜘ: —Saꜙ hlëëhꜙ läꜙnaˉ, ja̱a̱ˉ hi̱ˉ kye̱ˉ jmɨˉlleꜘ hlɨɨhˈ. ¿Haˉ läꜙja̱ˉ näꜗ jmɨˉlleꜘ hlɨɨhˈ mɨˈnëˊ ja̱a̱ˉ hi̱ˉ tʉʉˊ?