Juan 10:17-21

¹⁷Namumut-an ako san Ama kay ginahalad ko an akon buhay agod mabuhay gihapon ako.

¹⁸Waraʼn makahali san buhay ko. Ginahalad ko ina sa sadiri ko na kabubut-on. Igwa akoʼn gahom na ihalad ko ina kag kagamhanan na bawion gihapon kay ini an ginsugo sa akon san akon Ama.”

¹⁹Tungod sani na mga surmaton wara man gihapon magkaparareho an isip san mga Judio.

²⁰Kadamuan sa inda nagsarabi, “Nasudlan siyaʼn demonyo kaya nagabuang. Nano kay nagaparapamarati pa kamo sa iya?”

²¹An iba naman nagasabi, “Dili amo ini an panurmaton san tawo na nasudlan san demonyo. Nano, may demonyo kaya na makapakita sin buta?”