Jon 10:17-21

¹⁷Papa i laikim mi tru, long wanem, mi bai lusim laip bilong mi na bai mi kisim bek gen.

¹⁸I no gat wanpela man inap pinisim laip bilong mi. Nogat. Long laik bilong mi yet mi bai lusim laip bilong mi. Mi gat strong inap long lusim laip bilong mi, na mi gat strong inap long kisim bek gen. Papa bilong mi i bin tok long mi mas mekim olsem.”

¹⁹Ol Juda i harim dispela tok na ol i bruk tupela lain gen.

²⁰Planti man i tok, “Spirit nogut i stap long em, na em i longlong. Watpo yupela i putim yau long tok bilong en?”

²¹Na sampela i tok, “Dispela em i no tok bilong man i gat spirit nogut. Ating spirit nogut em inap long opim ai bilong ol man i aipas, a?”