San Juan 10:17-21

¹⁷Caw xahan ayinan yu Inmaman yu caw chiwakꞌ camo inbahan yin̈ anma, yaj chinchahpaxojan inkꞌinalan hunelxa.

¹⁸Chiwakꞌ camo inbahan yuto hac tuꞌ chiel yin̈ incꞌulal. Wal xin, caw machi hunu mac chiyu quinispotxꞌni camojan tato mach chisje incꞌulan. Caw machi hunu mac chincachnihan wakꞌni inbahan yin̈ camical, aypaxo wipan inchahnihan inkꞌinalan hunelxa, yuto hac tuꞌ inchejbanilan yu Inmaman, ẍi Comam.

¹⁹Yet yaben anma Israel yin̈ tzet yal Comam tuꞌ, ispohnipaxto isba hunelxa.

²⁰Ay hun majan anma halni: —¿Tzet yuxin cheyabeto tzet chal naj tiꞌ? Wal huneꞌ naj tiꞌ, caw chabil locohal yu naj, ayco huneꞌ ischejab naj matzwalil yin̈ naj, ẍi ebnaj.

²¹Ay hunxa majan anma halnipaxoj hacaꞌ tiꞌ: —Tato ayco hunu ischejab naj matzwalil yin̈ naj, ¿tom hac tuꞌ istzotelo naj? Yalnipaxo ebnaj: —¿Tom chu yu hunu ischejab naj matzwalil ishajni sat hunu naj caw maẍticꞌa chiyu yilni? ẍi ebnaj.