San Juan 10:17-21

¹⁷’Magua, mag pastor wajap'amjö hõor kõit hʌdʌraa mʌch t'õopiju haawai mʌ Hayau mʌ daupii wai simgui hajim. Pari mag hʌdʌraa mʌch t'õopiwiajã deeu hiiu p'iidʌjugui hajim.

¹⁸Mag mʌch t'õopiju ha chirʌm chan, hajués chik'amnauta mʌrʌg magpi naawai k'aba, mʌch k'ĩrauta hõor kõit mʌch t'õopijugui hajim, ham peerdʌ hawaag. Mʌ Hayau mʌrʌg magta hapitarr haawai mua chadcha hʌdʌʌr mʌch t'õopiju haai chirʌm. Pari deeu hũwaai mag hiiu p'iidʌagjã jua t'eeg chirʌmgui hajim ham jʌ̃g daar.

¹⁹Pari chi judionaan chi pörnaanau Jesuu mag hiek'abarm hũrbaawai, hamach pem haawai, deeu hũwaai sĩi chum haaip'ur hiyʌ̈ʌ hihãbajã k'aba nʌisim hiek'au,

²⁰k'apank'am k'ʌʌnau warag hamach k'apeenag, —¿K'ant'ee pãrau hi hiek hũr nʌma? Jã sĩi hich pör hee dösãt bën wai simua lököo sĩewaita mag hiek'a sĩebahab haajeejim, chi Jesús higwia.

²¹Pari magbaawai hãaur k'ʌʌnau mag nʌm hee, jũrr warm k'ʌʌnau, —Pãar dak pör hee dösãt bën paraam k'ʌʌnau hi dënjö mag hiek'ajupa hanaajim. ¿Wa pãrau k'ĩirjuawai meperau dau k'ĩsum k'ʌʌnjã daujã wajaug hapiju haai sĩwa? haajeejim, hich Jesuu bi heewe dau k'ĩsu t'aabatarr monaautarr higwia. Jesuu mag hiek'atarr mag p'iesta Las Enramadas hanʌm dichtarr k'ur hajim.