JON 10:17-21

¹⁷“Kale nimi Aatum tebe nimi aget kup kopnesa umi magam umdii kulbu ko. Kale niyo nalami kaal sigim ke-nilita, kaan-siit-nilita, asok fen tigi molan-temi kale,

¹⁸tinum iyo yagal maak tebe-nalata, nangkola kaanan-temaali kale, nalami aget uta fuguno-nilita, nalami kaal sigim ke-nilita, kaanan-temi kale, niyo tii nalami kaal sigim uyo ke kaan-nimi e minte, niyo tii asok fen tigi mo-nimi no kale, kanubelan-temi boyo nimi Aatum yagal bogopnesa o,” age-nalata, Yesus iyo bogola ko.

¹⁹Juda kasel imi kamogimal iyo weng bo tolong do-nilip e, bigi ko yak una mek una ke wengaal digin-kalip kale,

²⁰tinum kwiin tagang iyo bogolip, “Beyo sinik mafak tebe dufak daalata, ilum ilum ke-bomta bagan-be kuba. Kale intaben o ageta ibo imi weng uyo tolong dugan-bilip o?” agelip e minte,

²¹iip maak maak iyo bogolip, “Kuta sinik mafak iyo tinum be dufak daa-nama uyo, weng tambal bo kanube bagam-nama binim ko. Sinik mafak iyo dogonube-nalata, tiin mafak iyo tiin baabe-nama o?” agan-kalip ko.