Hwan 10:17-21

¹⁷A yen ta iddukan nak ni Damakewan te isagapil ku hala ya angat ku tekid, petta ipabaguk hala sangaw.

¹⁸Ammi awan ta makapapasi teyak am bakkan la ta iyak ya makāuray, te itta ya pakapangwak nga mangisagapil ta angat ku, yaga itta hapa ya pakapangwak nga mangtolay ta barikin hapa la, te yen hala ya nepatudun ni Damakewan teyak,” kunna.

¹⁹A gafu ta binida ni Hesus ta Hudyo kiden a yen ya nagkakattwayan na nonot da tentu.

²⁰“Annun tam hud dangdangagan ya tolayin yan. Itta malat ya anitu na nga mangpaguyung tentu,” kun na kadwan.

²¹Ammi ta kadwan a “Bakkan ta kumanin ya uhohug na seanitu, te yaga makapaladdang hud ya anitu ta mata na daram?” kunda.